Teńgeniń shetel valiýtalaryna qatysty naqty baǵamyn jariialaý da durys emes, dep esepteidi ulttyq ekonomika ministri.
"Jalpy, qazir, árine, ulttyq valiýta baǵamyna belgili bir qysym bar, biraq bul qysym keiin tómendeýi múmkin. Ulttyq bank pen úkimet qabyldaǵan sharalarǵa kelsek, Ulttyq bankte aqsha-nesie sharalary bar, úkimette júieli jáne jedel sharalar bar. Jalpy, infliatsiiany tómendetý úshin bári jasalyp jatyr. Aqsha-nesie máselesine keletin bolsaq, Ulttyq bank jaǵdaidy baqylaýda ustap, turaqty esep berip otyrady", - dep túsindirdi ol.
Resei-Ýkraina kelissózderi nátijesine keletin bolsaq, pessimistik stsenariidiń Qazaqstan ekonomikasyna áseri týraly "kóp aitýǵa bolady", dep qosty Álibek Qýantyrov.
"Biraq optimistik nusqany aitaiyq. Bul Ýkraina-Resei janjalynyń jaqyn arada rettelýi. Sonymen qatar, reseilik tarap daǵdarysqa qarsy sharalardy ázirlep jatyr jáne negizinen, eger olar óz ekonomikasyn saqtasa, bul bizge belgili bir dárejede oń áser etedi", - dedi ol.
Ministr qazir el úkimeti daǵdarysqa qarsy sharalardy pysyqtap jatqanyn qosty. Sondai-aq, Qýantyrov Qazaqstanda syrtqy mindettemeler men áleýmettik mindettemelerdi tóleýde eshqashan qiyndyq bolmaǵanyn eske saldy.
"Osynyń bárin josparlaǵandai júrgizýdi josparlap otyrmyz. Bul elimizdiń qarjylyq-ekonomikalyq turaqtylyǵyn qamtamasyz etý úshin. Iá, másele sanktsiialarda, árine, olar jalǵasady. Olardyń qansha ýaqytqa sozylatynyn bilmeimiz. Biz eń jaqyn saýda-ekonomikalyq seriktesterdiń birimiz, sáikesinshe biz de óz sharalarymyzdy qabyldap jatyrmyz", - dedi ol.
Bul rette ulttyq ekonomika ministri geosaiasi jaǵdai turaqtalyp, shielenis rettelse de Qazaqstan ekonomikasy úshin keibir qaýip-qater saqtalatynyn qosty.
"Biraq biz olardy beitaraptandyrý jáne Qazaqstan men azamattar múddesin qorǵaý úshin jumys istep jatyrmyz", - dep túiindedi ministr.
