Ulttyq ekonomika ministri Álibek Qýantyrov Ýkrainadaǵy soǵys pen Reseige qarsy sanktsiialardyń Qazaqstan ekonomikasyna qaýip tóndiretin zardaptary týraly aitty, - dep habarlaidy Tengrinews.kz tilshisi.
"Sanktsiialar kúsheitilýi múmkin. Biraq másele Resei Qyrym oqiǵalarynan keiin kem degende segiz jyl osy sanktsiialarmen ómir súrgeninde. Biz de qalypty ómir súrdik. Bir jerde janama áseri bar, al bir jerde olar elge áser etpeidi. Onyń artyqshylyqtary bar - osy múmkindikterdi paidalanýymyz kerek. Mysaly, qazir múmkindikterdiń biri - sheteldik áýekompaniialar áýe keńistigin ainalyp, Qazaqstan arqyly ushatyn bolady. Bul úshin aqy alamyz", - dedi ministr jýrnalistermen kezdesýde.
Onyń aitýynsha, osylaisha Qazaqstan arqyly biraz taýar aǵyndary óte bastaǵan. Jýrnalister energiiamen jabdyqtaý arnalaryn buǵattaý qaýpi týraly surady.
"Árqashan balama nusqalar bar. Shyǵysta, batysta jáne ońtústikte, sonyń ishinde teńiz arqyly kórshilerimiz bar. Bári KTK qubyry arqyly júrmeidi. Eger munai ken oryndaryn birlesip igerip jatqan batys kompaniialary aktivi Resei arqyly eksporttalmasa, yqtimal sanktsiialardyń bir bóligi qoldanylýy múmkin ekenin eskerý qajet. Olar ózderi eksporttaityn munaiǵa sanktsiia salady dep oilamaimyn", - dedi Qýantyrov.
