QR Bilim jáne ǵylym ministri Ashat Aimaǵambetov túlekter men muǵalimderge arnalǵan daiyndyq testeriniń baǵasyn 2 esege túsirýdi tapsyrdy, dep habarlaidy QazAqparat.
«Ulttyq biliktilik testileýdiń synama testin tapsyrý baǵasyna, Ulttyq biryńǵai testileýdi tapsyrý baǵasyna, magistratýraǵa túsý boiynsha daiyndyq testileý baǵasyna qatysty qazirgi ýaqytta ártúrli aqparat alyp jatyrmyz. Birshama ózgergen. Ártúrli dálelderdi de estimiz. «Bul mindetti emes», «daiyndyq testter», «óz erkimen tapsyratyn testter», «mindetti testter aqysyz» degen dálelder aitylýda» - dedi Ashat Aimaǵambetov ministrliktiń apparat jinalysynda.
Ministrdiń atap ótýinshe, biraq, mundai dálelder oiǵa qonymsyz.
«Sondyqtan men kelesi tapsyrma beremin. Osy daiyndyq testteriniń baǵasy 2 ese azaitylsyn. Ony qaitadan qarańyzdar. Bul tapsyrma boiynsha tiisti jumys júrgizilýi kerek. Óitkeni, daiyndyq testi bolsa, óz erkimen tapsyratyn test bolsa da túlekter men muǵalimderge qoljetimdi bolýy kerek. Sondyqtan baǵasyn 2 ese túsirýdi tapsyramyn», - dedi ol.
