قر بٸلٸم جەنە عىلىم مينيسترٸ اسحات ايماعامبەتوۆ تٷلەكتەر مەن مۇعالٸمدەرگە ارنالعان دايىندىق تەستەرٸنٸڭ باعاسىن 2 ەسەگە تٷسٸرۋدٸ تاپسىردى, دەپ حابارلايدى قازاقپارات.
«ۇلتتىق بٸلٸكتٸلٸك تەستٸلەۋدٸڭ سىناما تەستٸن تاپسىرۋ باعاسىنا, ۇلتتىق بٸرىڭعاي تەستٸلەۋدٸ تاپسىرۋ باعاسىنا, ماگيستراتۋراعا تٷسۋ بويىنشا دايىندىق تەستٸلەۋ باعاسىنا قاتىستى قازٸرگٸ ۋاقىتتا ەرتٷرلٸ اقپارات الىپ جاتىرمىز. بٸرشاما ٶزگەرگەن. ەرتٷرلٸ دەلەلدەردٸ دە ەستيمٸز. «بۇل مٸندەتتٸ ەمەس», «دايىندىق تەستتەر», «ٶز ەركٸمەن تاپسىراتىن تەستتەر», «مٸندەتتٸ تەستتەر اقىسىز» دەگەن دەلەلدەر ايتىلۋدا» - دەدٸ اسحات ايماعامبەتوۆ مينيسترلٸكتٸڭ اپپارات جينالىسىندا.
مينيستردٸڭ اتاپ ٶتۋٸنشە, بٸراق, مۇنداي دەلەلدەر ويعا قونىمسىز.
«سوندىقتان مەن كەلەسٸ تاپسىرما بەرەمٸن. وسى دايىندىق تەستتەرٸنٸڭ باعاسى 2 ەسە ازايتىلسىن. ونى قايتادان قاراڭىزدار. بۇل تاپسىرما بويىنشا تيٸستٸ جۇمىس جٷرگٸزٸلۋٸ كەرەك. ٶيتكەنٸ, دايىندىق تەستٸ بولسا, ٶز ەركٸمەن تاپسىراتىن تەست بولسا دا تٷلەكتەر مەن مۇعالٸمدەرگە قولجەتٸمدٸ بولۋى كەرەك. سوندىقتان باعاسىن 2 ەسە تٷسٸرۋدٸ تاپسىرامىن», - دەدٸ ول.
