Foto: primeminister.kz
Premer-ministrdiń orynbasary – Qarjy ministri Erulan Jamaýbaev órt shyqqan "Semei ormany" rezervatynda qajetti qural-jabdyq pen tehnikanyń bolmaýyna qatysty túsinikteme berdi, dep habarlaidy Sputnik Qazaqstan.
Úkimet kýlýarynda ministr orman sharýashylyǵy jáne janýarlar dúniesi komitetine 2023-2025 jyldarǵa 121,5 mlrd teńge, biyl 52,7 mlrd teńge qarastyrylǵanyn atap ótti.
Jýrnalisterdiń "salanyń jaǵdaiy nege máz emes jáne qarajat durys bólindi me?" degen suraǵyna Jamaýbaev "belgili bir norma bar" ekenin aitty.
"Belgili bir normativter bar, biz ministrlikti sol boiynsha qarjylandyramyz. Búkil tehnikany bir jyl ishinde jańartý múmkin emes ekeni túsinikti. Árine, anyqtaý qajet", - dedi ol.
Sondai-aq, onyń aitýynsha, qazirgi tańda qosymsha qarjylandyrý kózdelmegen, biraq komissiia qajetti qarajatty eseptep jatyr.
Jamaýbaev órtten kelgen shyǵyn týraly aitý ázirge erte ekenin, óitkeni tilsiz jaýmen kúres jalǵasyp jatqanyn aitty.
"Alqaptyń edáýir bóligi otqa oranǵan, sol sebepti barlyq protsedýranyń, sonyń ishinde arnaiy komissiia jumysynyń aiaqtalǵanyn kúteiik", - dedi vitse-premer.
