Túrkistan qalasy Túrkistan oblysynyń ortalyǵy bolyp bekitilgeli óńirde edáýir jumystar atqarylyp jatqany belgili. Osy oraida aimaqtaǵy internet máselesiniń, óńirdiń tsifrlyq damýynyń mańyzdylyǵy erekshe ekenin atap ótkenimiz jón. Sol sebepti Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin jumys saparymen Túrkistan oblysyna baryp, óńirdi tsifrlandyrý barysymen tanysty, - dep habarlaidy «Ult aqparat».
Vedomstvo basshysy aýyldyq eldi mekenderdi Internetke mobildi keńjolaqty qoljetimdilikpen qamtamasyz etý jónindegi «250+» jobasyna engen Ordabasy aýdanynyń Jýsansai jáne Aqqoily aýyldaryn aralady.
«Biz buǵan deiin Internettiń sapasyna shaǵymdanǵan bolatynbyz. Qazir aýyldaǵy jaǵdai edáýir jaqsaryp qaldy. Ony búgin ministr de óz kózimen kórdi. Ásirese byltyr-biyl pandemiia kezinde internettiń, onlain oqý men qashyqtan jumys isteýdiń nátijesinde biz osyndai múmkindikke ie bolyp otyrmyz. Adamdar aýyrmasyn, aýyldarymyz dami bersin», - dep tilektestik bildirdi aýyl turǵyndary.
Óitkeni aýyl turǵyndaryna operatorlar osy jyldyń maýsymyna deiin bailanys sapasynyń máselesin sheshýge ýáde berdi.
«Biz retteýshi retinde operatorlarǵa aýyl turǵyndary qanaǵattanatyn sapaly bailanys usynylǵanǵa deiin aiyppuldardy sala beremiz», – dep atap ótti Baǵdat Mýsin Jýsansai aýylynyń turǵyndarymen kezdesýde.
QR TsDIAÓM buiryq jobasyn ázirlenin, oǵan sáikes bailanys sapasynyń kórsetkishteri (3G úshin 1 MBit/s, 4G úshin 5 MBit/s) anyqtalǵanyn atap ótý qajet.
Sonymen qatar, Ministr «Turkistan 109» biryńǵai bailanys ortalyǵynyń jumysymen tanysty. Túrkistan qalasynyń ákimi Rashid Aiýpov ministrge qaladaǵy jai-japsardy túsindirdi.
«Osy ózińiz kórip otyrǵan bailanys ortalyǵynyń resmi ashylýdan bastap qalanyń tynys-tirshiliginiń túrli salalarynda: sýmen jabdyqtaý, gazben jabdyqtaý, elektrmen jabdyqtaý, qoǵamdyq kólik, bilim berý jáne t.b. 12 myńnan astam ótinish qabyldandy. Qazir osy máseleler boiynsha jumystar atqarylyp jatyr», - dedi Túrkistan qalasynyń ákimi Rashid Aiýpov.
Sonymen qatar, Ministr Ordabasy aýdany Badam aýylyndaǵy tehnologiialyq sút-taýar fermasynda (STF), Kentaý transformator zaýytynda bolyp, óndiristi avtomattandyrýmen tanysty. Buǵan deiin zaýyt QR TsDIAÓM qýatty transformatorlardy daiyndaý boiynsha tehnologiialyq protsesti robottandyrýǵa innovatsiialyq grant aldy. Sonymen birge, «Azamattarǵa arnalǵan úkimet» memlekettik korporatsiiasy» KE AQ oblystyq filialynyń ujymymen kezdesip, jumystarymen tanysty.
Ministr osydan keiin respblikadaǵy úshinshi megapolis ataǵyn alǵan Shymkent qalasyna keldi. úshinshi bas qalada da qalany tsifrlandyrý barysymen tanysyp, birqatar nysandardy aralady. Qalany aralaý barysynda, Baǵdat Mýsin Kókbulaq turǵyn alabynda bolyp, turǵyndarmen kezdesip, bailanys qyzmetiniń sapasyn tekserdi. Búgingi tańda Kókbulaqta WCDMA jáne LTE tehnologiialaryn paidalanatyn uialy bailanys operatorlarynyń bazalyq stantsiialaryna arnaiy antennalar ornatylǵan.
«Ministrdiń qalamyzǵa sapary barysynda Shymkenttiń tsifrlyq damý salasyndaǵy aǵymdaǵy jai-kúii men aldaǵy jylǵa arnalǵan josparlarmen tanystyrdyq. Qoǵamdyq qalalyq kólikte Ministrge elektrondyq biletteý júiesin kórdi. Sondai-aq, jeke kompaniia men qala ákimdiginiń birlesken «Samokat Shering» jobasymen tanysty», - dep atap ótti qala ákimi Murat Áitenov.
Qala ákiminiń aitýynsha, Ministr Silkway Halyqaralyq ýniversitetine baryp, onda «SMART Hub SILKWAY» IT-ortalyǵynyń «Aqyldy jaiaý júrginshi», 3D modeldeý, «Digital Shymkent», «Aqyldy Qúnbaǵys» jáne AntiCOVID jobalarymen tanysqan. Sondai-aq, óńirlik IT-ortalyqtyń Astana Hub halyqaralyq tehnoparkimen yntymaqtastyǵy talqylanǵan.
«Árbir óńirde IT-mamandardyń damýy mańyzdy. Túrkistan oblysy men Shymkent qalasynda IT-mamandardyń sany az, biraq talpynys bar. Sol sebepti, bizdiń taraptan, óńirlerde IT-mektepter ashatyn bolamyz», – dep atap ótti Baǵdat Mýsin.
Esterińizge sala keteiik, Túrkistan qalasy Túrkistan oblysynyń ortalyǵy bolyp bekitilgelá óńirde edáýir jumystar atqarylyp jatqany belgili. Osy oraida aimaqtaǵy internet máselesiniń, óńirdiń tsifrlyq damýynyń mańyzdylyǵy erekshe ekenin atap ótkenimiz jón. Sol sebepti Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin jumys saparymen Túrkistan oblysyna baryp, óńirdi tsifrlandyrý barysymen tanysty.
