Aýyl sharýashylyǵy ministri Erbol Qarashókeev Qazaqstandaǵy nan baǵasy týraly aitty, - dep habarlaidy Tengrinews.kz agenttigi.
"4 qazanda nan 11,9 paiyzǵa qymbattady. Bárińiz bilesizder, Aýyl sharýashylyǵy ministrligi men Azyq-túlik kelisimshart korporatsiiasy qańtardan qyrkúiekke deiin arzandatylǵan astyq jetkizdi. Qazannan bastap jyl aiaǵyna deiin óńirler jańa eginge qatysty baǵa qoiady", - dedi ministr kýlýarda jýrnalister suraǵyna jaýap bere otyryp.
Qarashókeev nan birneshe sebeppen qymbattaýy múmkin ekenin túsindirdi.
"Komponentter, elektr energiiasy qymbattap jatyr, kommýnaldyq qyzmetter. Sondyqtan, jalpy baǵanyń ósýi bar, ony kórip otyrmyz. Qańtardan bastap baǵany turaqtandyrý úshin barlyq sharany qabyldaimyz. Jalpy, baǵanyń sharyqtaýyna negiz joq. Óitkeni un byltyrǵymen salystyrǵanda kóbirek óndiriledi, bidai kóp, tipti ortasha jyldyq ónimnen de joǵary. Turaqtandyrý qoryna biyl million tonna astyq jinaýdy josparlap otyrmyz. Onyń 900 myń tonnasy - bidai. Bar qorlardy eskere otyryp, barlyq áleýmettik mańyzy bar ónim, onyń ishinde áleýmettik un baǵasyn tolyǵymen saqtaimyz", - dep túsindirdi ministr.
