QR Bilim jáne ǵylym ministri Ashat Aimaǵambetov muǵalimderdiń jalaqysyn keshiktirgenderdi tártiptik jaýapkershilikke tartýdy tapsyrdy. Bul týraly ministrliktiń apparattyq keńesinde aityldy, dep habarlaidy QazAqparat.
Ministrdiń aitýynsha, kei óńirlerde pedagogter óz jalaqylaryn tolyq ári ýaqytyly ala almai otyr. Osyǵan orai, vedomstva basshysynyń tapsyrmasyna sáikes, apta sońyna deiin barlyq aimaqtarda qyzmettik tekseris júrgizilip, tiisti sharalar qoldanylady.
«Jalaqy tóleýde ne sebepti keshiktirýler tirkelip jatyr? Ministrlik komitetteri ár óńirde tekseris júrgizýi tiis. Mán-jaidy anyqtap, jaýaptylardy tártiptik jaýapkershilikke tartý kerek. Máseleni baqylaýda ustańyz», – dedi Ashat Aimaǵambetov vitse-ministr Bibigúl Asylovaǵa qarata aitqan sózinde.
Aita ketsek, jalaqyny esepteitin onlain-kalkýliator iske qosylǵaly bir ai ishinde mektepke deiingi jáne orta bilim berý mekemeleriniń ókilderi shamamen 1 500 000 ret jalaqylaryn ózdiginen eseptep, tiisti qarajatyn anyqtaǵan.
