Aýyl sharýashylyǵy ministri Erbol Qarashókeev 2021 jyldyń jazynda maldyń qyrylý sebebin anyqtaý jáne jem-shóp daiyndaý máselesin retteý úshin Mańǵystaý oblysyna jumys saparymen bardy.
Vedomstvo basshysy qýańshylyq kezinde qyrylǵan maldyń máselesine jeke toqtaldy, dep habarlaidy Sputnik Qazaqstan.
Onyń aitýynsha, biylǵy 31 qańtardaǵy jaǵdai boiynsha:
usaq mal - 363,4 myń,
jylqy – 113,5 myń,
túie - 82,2 myń,
iri qara mal - 24,5 myń basty qurap otyr.
Sońǵy jyldary óńirde jylqy malynyń ósýi baiqalady, tek ótken jyldyń tamyz aiynan bastap olardyń sany 24 627 basqa artty.
Alaida olardyń arasynda jergilikti jaǵdaiǵa beiimdelmegen, buryn Batys Qazaqstan, Aqmola jáne basqa oblystardan ákelingen tuqymdardyń bar ekeni anyqtaldy.
Mamandardyń pikirinshe, aimaqtyń jaiylymdyq ereksheligi iri qara men jylqy sharýashylyǵyn damytýǵa múmkindik bermeidi.
Óńirdegi barlyq maldyń 40% sharýa qojalyqtaryna tiesili. Sondyqtan vdeomstvo basshysynyń pikirinshe, mal azyǵyn daiyndaýǵa fermerler asqan jaýapkershilikpen qaraýǵa tiis.
Ministrdiń pikirinshe, jergilikti atqarýshy organdar men sharýalar jańa mehanizmderdi ázirlep, jazǵy kezeńde mal azyǵymen qamtamasyz etý úshin qosymsha múmkindikterdi qarastyrýy kerek. Onyń ishinde basqa óńirlerdiń áleýetin paidalaný da bar.
Vedomstvo basshysy jem-shóppen qamtamasyz etý aýdan ákimderin mindeti ekenin atap ótti. Onyń aitýynsha, bul máselede jergilikti bilik óte enjar.
