Naýryz merekesin jańa ulttyq úlgide aýqymdy etip ótkizý jóninde QR Mədeniet jəne sport ministri Arystanbek Muhamediuly Egemen Qazaqstan gazetine suhbat bergen bolatyn. Osyǵan orai biz de elimizdiń bir top qoǵam qairatkeleriniń pikirlerin bilýge tyrystyq.
Talǵat Kúzembaev, Qazaqstan Respýblikasynyń eńbek sińirgen qairatkeri, Abai atyndaǵy Qazaq memlekettik akademiialyq opera jáne balet teatrynyń opera solisi:
- Naýryz - qazaqstandyqtar úshin óte mańyzdy ári úlken mereke – yntyqmaqtastyq jáne tabiǵattyń jańarýynyń jarqyn meiramy. Ǵasyrlar qoinaýynan bastaý alǵan ejelgi salt-dástúr, ádet-ǵurpymyzdyń saqtalýy úshin at salysyp, elim, jerim deitin ózińizdei ultjandy azamattyń Naýryz meiramyn toilaý týraly usynystary júzege asatynyna kámil senemin.
Maqsut Júnis, Qazaqstan bilim berý isiniń úzdigi, ánshi, mádeniet qairatkeri:
- Ulystyń uly kúni atanǵan Naýryz jyl basy merekesi retinde atalyp keledi. Qazaq halqy da Naýryz merekesin airyqsha baǵalap, ony jyl saiyn toilap otyrýdy salt-dástúrge ainaldyrǵan. Naýryz birliktiń, tatýlyqtyń, eńbektiń, izgiliktiń, baqyttyń merekesi retinde atalyp ótedi. Naýryzdyń airyqsha tálim-tárbielik, úlgi-ónegelik, sán-saltanattyq, márt-jomarttyq, qadir-qasiettilik nyshan belgileri men tanym uǵymdary adamdy joǵary sanalylyqqa, ádeptilikke, ónegelilikke, baýyrmaldyqqa, kórgendilikke, bilimdilikke baýlidy.
Naýryz merekesi dástúrlerin búgingi kúnge deiin jetkizip, ony óskeleń urpaqqa tanytý ár qazaqtyń mindeti dep bilemiz. Maqalada aitylǵan QR Mádeniet jáne sport ministri Arystanbek Muhamediulynyń Naýryz meiramyn jańa úlgide jalpyulttyq aýqymda ótkizý jónindegi oiy atalǵan merekeniń dárejesin ǵana kóterip qoimai, rýhymyzdy jańǵyrtyp, dástúrimizdiń dáripteýge jeteleidi.
Naýryzdy balalar ómirinde erekshe oryn alatyn otbasylyq meiram dárejesine jetkizip, dástúrge ainaldyrý óte oryndy aitylǵan. Shynymen de bul merekede balalarǵa Jańa jyldaǵydai erekshe kóńil bólinip, ulttyq kiimderdi, qazaq ertegilerindegi keiipkerlerdiń kiimderin kiip, balalarǵa syilyqtar, tosynsyilar jasap, otbasy múshelerimen tún ortasy aýǵanda jańa kúndi qarsy alsaq merekeniń sán-saltanaty arta túser edi. Merekede otbasynyń, ujymdardyń uiymdastyrýymen tal egý, qaiyrymdylyq jasaý kúnderi ótkizilse, oqý oryndarynda Qydyr babanyń qatysýymen is-sharalar, ulttyq sporttyq oiyndardan jarystar jáne taǵy basqa Naýryz dástúrlerin nasihattaityn sharalar uiymdastyrylsa ár azamattyń qazaq ultyna, dástúrine degen súiispenshiligin arttyrýdyń úlgisi bolar edi.
Máshhúr Júsip: «Qazaqtyń qazaq bolǵanda, ózine arnalǵan, sybaǵasyna tigen jalǵyz meiramy – naýryznama», — degen eken. Merekemizdi ulyqtaiyq, aǵaiyn!
.jpeg)