Foto: © Pixabay
Májilistegi saýda saiasatyn damytý máselelerine arnalǵan Úkimet saǵatynan keiin BAQ ókilderiniń saýalyna jaýap bergen Saýda jáne integratsiia ministri Arman Shaqqaliev «Magnum» saýda jelisiniń sórelerin reseilik ónimder jaýlap jatqany týraly dabyldarǵa jaýap berdi, dep habarlaidy Kazinform.
«Bólshek saýdadaǵy saýda jelileriniń úlesi 20%-dan aspaidy. Magnum – qamtyǵan aýqymy óte úlken iri jeliniń biri. Jumyrtqa satýshylardyń mysalyn keltirip kóreiik, kóp jaǵdaida taýardyń aqyrǵy baǵasy satýshy qosatyn ústeme qunǵa, syiaqy men retro-bonýstarǵa bailanysty. Jumyrtqanyń ózindik quny, jetkizý, saqtaý shyǵyny qansha bolatynyn jaiyp saldyq ta, saýda jelilerimen ústeme qundy 15%-dan asyrmaý kerektigin aittyq. Al áleýmettik mańyzy bar azyq-túlik taýarlary boiynsha mundai uǵym joq. Jumyrtqa baǵasy boiynsha búkil saýda jelilerimen memorandým bekitkenbiz. Qalǵan 19 túrli taýar boiynsha monitoring júrgizemiz», - dedi Arman Shaqqaliev.
Sondai-aq, ol otandyq óndirýshilerdiń básekege qabilettiligin qoldaý úshin «Qarapaiym zattar» baǵdarlamasy boiynsha sýbsidiia tólenetinin eske saldy.
«Astanada saýda jelisiniń 26 túri, úi astyndaǵy 2 myń dúken bar. Biz paiyzdyq mólsherleme men ónim assortimentin taldap qaradyq. Mysaly, bizdiń un reseilik unnan arzan. Ol jerde oligarh, shaǵyn óndirýshi dep jikteý joq, bul - naryq. Baǵa men sapa el kóńilinen shyǵyp tursa, saýda jelisi satýǵa alady», - dedi ministr.
