Ulttyq ekonomika ministri Álibek Qýantyrov Máskeý birjasyndaǵy investorlardyń qyzyǵýshylyǵy qazaqstandyq valiýtaǵa qalai áser etetini týraly aitty, - dep habarlaidy Tengrinews.kz.
Májilis kýlýarynda jýrnalister ministrden Máskeý birjasynda teńge saýdasy kóleminiń 4,2 milliard rýblden asýy Qazaqstan ekonomikasyna qalai áser etetinin surady.
"Eshqandai shara qoldanylyp jatqan joq, valiýta Máskeý birjasynda saýdalanyp jatyr, bul - jaqsy kórsetkish. Bul teńge suranysqa ie ekenin bildiredi. Meniń oiymsha, bul úrdis teńgeniń rýblge jáne basqa valiýtalarǵa shaqqandaǵy baǵamyn nyǵaitady, infliatsiiaǵa da jaqsy áser etedi, óitkeni biz de keibir taýarlar men azyq-túlik taýarlaryn importtaimyz. Biraq rýbldiń teńgege qatysty tepe-teńdigine keletin bolsaq, bul teńgeniń nyǵaiýyna oń áser etedi", - dedi Qýantyrov jýrnalister suraǵyna jaýap berip.
Sonymen qatar, ministr teńge turaqty dinamika kórsetip otyrǵanyn atap ótti.
"Kórip otyrsyzdar, eger qandai da bir dúrbeleń kezeńderdi qaramasaq, teńge aitarlyqtai turaqty dinamikaǵa ie. Osy jyl teńgeniń aitarlyqtai turaqty, kúshti valiýta ekenin kórsetti jáne túrli faktorlar áserinen teńgeniń rýblge qatysty qunsyzdanýy baiqaldy", - dedi ministr.
