Ulttyq ekonomika ministri Rýslan Dálenov «Halyq qatysatyn biýdjet» jobasy týraly túsindirdi, dep habarlaidy QazAqparat.
«Memleket basshysynyń tapsyrmasyna sáikes, «Halyq únine qulaq asatyn memleket» tujyrymdamasyn oryndaý aiasynda sheshim qabyldaý protsesine turǵyndardy tartý masqatynda «Halyq qatysatyn biýdjet» jobasyn iske asyrý kózdelgen», - dedi ministr onlain rejimde halyq aldynda esep berý barysynda.
«Halyq qatysatyn biýdjet» jobasy kelesi tártip boiynsha júzege asyrylady: veb-portalda ideialar konkýrsy ótkizilip, naqty sol aýdannyń barlyq turǵyny aýdandyq ákimdikke ózderi mańyzdy dep tapqan jobany júzege asyrýdy usynady. Kelip túsken ótinimder taldanyp, keiin ol boiynsha «1 turǵyn-1 daýys» tártibimen ashyq daýys berý júrgiziledi.
Daýys berýdiń nátijesi boiynsha sarapshylyq qaýymdastyq jobalardy qarjylandyrý kezegin belgileidi. Aýdandyq ákimdiktiń saitynda turǵyndardyń qandai jobaǵa qalai daýys bergenin kórýge bolady. Jobalardyń avtory, statýsy, sýreti jariialanady. Joba avtory turǵyn úi PIK-i nemese turǵyn bola alady.
2019 jyly joba aiasynda azamattar 1,5 mlrd teńgege usynys berip, aýlalardy abattandyrý, aýla jáne sport alańdaryn salý jóninde 69 joba maquldandy.
«Biyl «Halyq qatysatyn biýdjet» jobasyn oblystyq mańyzy bar basqa da qalalarǵa engizý boiynsha jumystar júrgizilýde», - dep habarlady Dálenov.
