Foto: elements.envato.com
Ulttyq ekonomika ministri Álibek Qýantyrovqa kazinoǵa 500 million teńgeden asa aqsha salǵan sheneýnikter týraly suraq qoiyldy, - dep habarlaidy Tengrinews.kz agenttigi.
Úkimet otyrysy kýlýarynda jýrnalister ministrden sheneýnikter oiynhanaǵa jumsaityndai mundai somany qaidan alatyny týraly surady.
"Endi, qandai da bir jeke jinaqtaryn jumsaidy degen sóz. Eger adam lýdoman bolsa (qumar oiyndarǵa patologiialyq beiimdilik - esk.), demek, ol óz kirisinen, qolda bar qarajattan qaryz alyp, kelip, jumsaidy. Bul jerde men qalai pikir bildiremin, bul tek memlekettik qyzmetshilerge ǵana qatysty emes, bul qumar oiyndarǵa áýestengen kez kelgen azamattarǵa qatysty", - dep jaýap berdi ministr.
Eske salaiyq, Almaty oblysynyń prokýratýrasy kazino men oiyn avtomattary zaldaryna tekseris júrgizip, 305 sheneýnik kazinoǵa 507 million teńge jumsaǵanyn anyqtaǵan edi.
