Ishki ister ministri Qalmuhanbet Qasymov vizasynyń merzimi ótip ketken Kongo azamaty Monika Kamýkenj Kamganza men úsh ailyq qyzyna kómektesýge ýáde etti, dep habarlaidy Sputnik Qazaqstan tilshisi.
"Onyń máselesin elshilikpen birlesip sheshemiz", - dep qysqa jaýap berdi Qasymov jýrnalisterdiń suraǵyna.
Monika Kamýkenj Kamganza bir jyldan beri Astanada turady. Kongo azamaty EKSPO kórmesi kezinde kúnkóris qamymen kelip, aqyr sońynda qalyp qoiǵan. 27 jastaǵy afrikalyq áiel osydan úsh ai buryn dúniege sábi ákeldi. Aitýynsha, qyzdyń ákesi qazaqstandyq. Osyǵan deiin Monika Qazaqstannan eshqaida ketkisi kelmeitinin aitqan edi.
