QR Investiialar jáne damý ministri Jeńis Qasymbek Airbus ushaqtaryn Siriiaǵa satý oqiǵasyna qatysty túsinikteme berdi, dep habarlaidy Ult.kz tilshisi QazAqparat agenttigine silteme jasap.
«Bul eki bort memlekettik tizimnen shyǵarylǵan. Bul aqparat irandyq bilikke joldandy. Bizdiń málimetter boiynsha, qazir bul eki ushaq Tegeranda tur. Bul ushaqtardyń úshinshi bir elde bolýy yqtimal degen aqparat esh jerde joq. Biz ózimizdiń Syrtqy ister ministrligin, quzyrly organdardy, AQSh-tyń diplomatiialyq vedomstvosyna habar berdik. Jeke kezdestik, amerikalyq elshiliktegi bizdiń áriptester berilgen tolymdy jaýaptarǵa tolyqtai qanaǵat etti. Bir ushaq kúzde tirkelgen. Ol reestrden shyǵarylǵannan soń, úshinshi bir memleketke emes, Armeniiaǵa jol tartqan», - dep atap ótti ministr Úkimet otyrysynan soń, tilshilerge bergen suhbatynda.
Onyń sózine qaraǵanda, bul ushaqtar jolaýshylar tasymalyna arnalǵan. Qyzmettik tekseris júrgizildi, materialdar kólik prokýratýrasyna jiberildi, dep atap ótti ministr.
«Birqatar suraqtar bar. Kólik prokýratýrasy meniń bilýimshe, jemqorlyqqa qarsy kúres ulttyq biýrosy bul ispen ainalysyp jatyr. Joldanǵan materialdar birqatar qatelikter oryn alǵanyn kórsetti. Biz naqty adamdardyń jaýapkershilik ólshemi, zańnamany buzý ólshemi týraly qosymsha zańnamalyq qorytyndy jasaýdy suradyq», - dedi Qasymbek.
Aita keteiik, bunyń aldynda habarlaǵanymyzdai, Qazaqstanda Airbus ushaqtaryn tirkeý kezinde oryn alǵan zań buzýshylyqtar boiynsha tekseris júrgizilip jatyr.
Birqatar BAQ ókilderi QR memlekettik tiziminde turǵan Airbus ushaqtaryn Siriiaǵa satý oqiǵalary oryn aldy dep te habarlaǵan bolatyn.
