قر ينۆەستييالار جەنە دامۋ مينيسترٸ جەڭٸس قاسىمبەك Airbus ۇشاقتارىن سيريياعا ساتۋ وقيعاسىنا قاتىستى تٷسٸنٸكتەمە بەردٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«بۇل ەكٸ بورت مەملەكەتتٸك تٸزٸمنەن شىعارىلعان. بۇل اقپارات يراندىق بيلٸككە جولداندى. بٸزدٸڭ مەلٸمەتتەر بويىنشا, قازٸر بۇل ەكٸ ۇشاق تەگەراندا تۇر. بۇل ۇشاقتاردىڭ ٷشٸنشٸ بٸر ەلدە بولۋى ىقتيمال دەگەن اقپارات ەش جەردە جوق. بٸز ٶزٸمٸزدٸڭ سىرتقى ٸستەر مينيسترلٸگٸن, قۇزىرلى ورگانداردى, اقش-تىڭ ديپلوماتييالىق ۆەدومستۆوسىنا حابار بەردٸك. جەكە كەزدەستٸك, امەريكالىق ەلشٸلٸكتەگٸ بٸزدٸڭ ەرٸپتەستەر بەرٸلگەن تولىمدى جاۋاپتارعا تولىقتاي قاناعات ەتتٸ. بٸر ۇشاق كٷزدە تٸركەلگەن. ول رەەستردەن شىعارىلعاننان سوڭ, ٷشٸنشٸ بٸر مەملەكەتكە ەمەس, ارمەنيياعا جول تارتقان», - دەپ اتاپ ٶتتٸ مينيستر ٷكٸمەت وتىرىسىنان سوڭ, تٸلشٸلەرگە بەرگەن سۇحباتىندا.
ونىڭ سٶزٸنە قاراعاندا, بۇل ۇشاقتار جولاۋشىلار تاسىمالىنا ارنالعان. قىزمەتتٸك تەكسەرٸس جٷرگٸزٸلدٸ, ماتەريالدار كٶلٸك پروكۋراتۋراسىنا جٸبەرٸلدٸ, دەپ اتاپ ٶتتٸ مينيستر.
«بٸرقاتار سۇراقتار بار. كٶلٸك پروكۋراتۋراسى مەنٸڭ بٸلۋٸمشە, جەمقورلىققا قارسى كٷرەس ۇلتتىق بيۋروسى بۇل ٸسپەن اينالىسىپ جاتىر. جولدانعان ماتەريالدار بٸرقاتار قاتەلٸكتەر ورىن العانىن كٶرسەتتٸ. بٸز ناقتى ادامداردىڭ جاۋاپكەرشٸلٸك ٶلشەمٸ, زاڭنامانى بۇزۋ ٶلشەمٸ تۋرالى قوسىمشا زاڭنامالىق قورىتىندى جاساۋدى سۇرادىق», - دەدٸ قاسىمبەك.
ايتا كەتەيٸك, بۇنىڭ الدىندا حابارلاعانىمىزداي, قازاقستاندا Airbus ۇشاقتارىن تٸركەۋ كەزٸندە ورىن العان زاڭ بۇزۋشىلىقتار بويىنشا تەكسەرٸس جٷرگٸزٸلٸپ جاتىر.
بٸرقاتار باق ٶكٸلدەرٸ قر مەملەكەتتٸك تٸزٸمٸندە تۇرعان Airbus ۇشاقتارىن سيريياعا ساتۋ وقيعالارى ورىن الدى دەپ تە حابارلاعان بولاتىن.
