Saýda jáne integratsiialar ministri Baqyt Sultanov kartop pen sábiz baǵasyna qatysty boljamyn aitty, dep habarlaidy "Ult aqparat".
«Sábiz máselesine kelsek, kórshiles Ózbekstanda da osyndai problema boldy. Shyn máninde, bizde qalyptasqan baǵanyń bir bóligi bizdiń importtaýymyzdan paida boldy, óitkeni kórshi Ózbekstan da, kórshi Resei Federatsiiasy da suranys týdyrdy. Qazirgi ýaqytta kartoptyń baǵasy ózgergenin jáne arzandap jatqanyn kórip otyrmyz. Kúzde de aitarlyqtai bárneshe esege tómendeidi dep kútemiz», - dedi Saýda ministri Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, sábiz boiynsha da osyndai jaǵdai baiqalady.
«Biraq biyl sábiz boiynsha ónim jetispeýshiligi barlyq jerde baiqalady, oǵan egis alqaptarynyń qysqarýy sebep boldy», - dep tolyqtyrdy Baqyt Sultanov.
Aita keteiik, Qazaqstanda maýsymaralyq kezeńde kartop pen sábiz baǵasy sharyqtap ketti. Kartoptyń "otany" sanalatyn Soltústik Qazaqstanda bul ónimniń bir kelisi 500 teńgege jetken bolatyn. SQO ákimi Qumar Aqsaqalov sharýalar óz shyǵyndaryn aqtaý úshin biraz ónimin syrtqa satyp jibergendikten, kartop qymbatshylyǵy týyndaǵanyn túsindirgen edi.
Keibir óńirlerde sábizdiń bir kelisi 700-800 teńgege de jetken.
