Koronavirýs kórsetkishteriniń oń qarqyny karantin sharalaryn kezeń-kezeńmen jumsartý múmkindigin beredi. Bul týraly QR Densaýlyq saqtaý ministri Aleksei Tsoi málimdedi, dep habarlaidy "Ult aqparat".
«Karantindik sharalardy jumsartý boiynsha ázirlengen ólshemderge sáikes, ministrlik infektsiianyń reprodýktivtik kórsetkishin – bir naýqas oqshaýlaǵansha aýrý juqtyratyn adamdar sany jáne KVI emdeý úshin infektsiialyq statsionarlardyń tósek qorynyń jumyspen qamtylý paiyzyn qadaǵalaidy», - dep atap ótti ministr búgingi Úkimet otyrysynda.
Onyń aitýynsha, karantinniń 3 aptasynda infektsiianyń reprodýktivtik kórsetkishi 1,2-den 0,99-ǵa deiin tómendedi. Jáne tósek-orynnyń qamtylý paiyzy 90%-dan 47%-ǵa deiin tómendegen.
«Osylaisha, Densaýlyq saqtaý júiesine túsetin júktemeniń negizgi kórsetkishteriniń joǵaryda kórsetilgen oń qarqyny karantindik sharalardy kezeń-kezeńmen jumsartý múmkindigin beredi», - dedi Aleksei Tsoi.
