QR Din isteri jáne azamattyq qoǵam ministri Nurlan Ermekbaev Facebook paraqshasyndaǵy alǵashqy jazbasynda azamattardan vedomstvonyń jumysyna qatysty qandai da bir óz pikirlerin bólisýge shaqyrdy, - dep habarlaidy "Ult aqparat".
"Qurmetti Facebook paidalanýshylary! Osy post arqyly Facebook jelisinde jeke paraqshamdy ashyp otyrmyn. Jeke paraqshany ashýyma negizgi sebep qazaqstandyqtardyń, sheteldik azamattar men halyqaralyq qoǵamdastyqtyń ózim basqaryp otyrǵan Ministrliktiń qyzmetine bailanysty qyzyǵýshylyq tanytyp otyrǵany túrtki bolǵanyn jetkizemin. Ministrliktiń aldynda turǵan mańyzdy mindetter jeterlik. Alaida búgingi tańda basty mindetimiz -halyqpen turaqty, ádil dialog ornatý bolyp tabylady. Endigi jerde osy paraqsha arqyly azamattar ministrliktiń qyzmeti týraly tolyq málimettermen tanysyp, sondai-aq jeke pikirlerimen bólisýge múmkindikteri bolady degen oidamyn. Iaǵni, biz áleýmettik jelini paidalanýshylar arasynan belsendi azamattyq ustanymy bar "beitarap" kómekshilerdi tabýǵa múmkindigimiz bar", - dep jazdy ministr Facebook jelisindegi paraqshasynda.
