Qazaqshaǵa shorqaq ulttyq ekonomika ministri Áset Erǵaliev qazaq tilin qalai úirenip júrgenin aitty, dep habarlaidy Sputnik Qazaqstan.
Ortalyq kommýnikatsiialar qyzmetinde ótken baspasóz máslihatynda jýrnalist úkimettegi eń jas ministrden qazaq tilin qalai, kimmen úirenip júrgenin surady.
"Qazaq tilin únemi, kún saiyn úirenip júrmin. Repetitormen kún saiyn bir jarym saǵat boiy oqimyz. Jaqyn arada taza qazaq tilinde sóileýge ýáde beremin", - dedi Erǵaliev.
Ol memlekettik tildi jumys barysynda úirenip júrgenin aitty.
"Bizde kez kelgen ministrliktegi siiaqty qujattardy aýdarýmen ainalysatyn aýdarmashylar isteidi. Olardyń arasynda qazaq tilin óte jaqsy biletin adamdar bar. Ár jinalysqa solarmen birge otyryp daiyndalamyz. Olardyń jyldar boiy qalyptasqan ádistemelik bazasy bar. Osy ádistemelik bazany paidalanyp, qazaq tilin úirenip júrmin", - dedi ministr.
Jyldyń basynda ulttyq ekonomika ministri Áset Erǵaliev májiliste qazaq tilin bilmegeni úshin depýtattardan sóz estigen edi.
