Ekologiia, geologiia jáne tabiǵi resýrstar ministri Maǵzum Myrzaǵaliev Qazaqstanda kólder nelikten jekeniń qolyna beriletinin túsindirdi, dep habarlaidy QazAqparat.
«Bul ne úshin jasalady? Sebebi jeke tulǵa kelgen týristerdiń jaqsy ári jaily demalýy úshin barlyq jaǵdai jasaýy kerek. Sonymen birge, sanitarlyq gigiena boiynsha bazalyq talaptar oryndalýy tiis», - dedi Maǵzum Myrzaǵaliev OKQ-da tilshilerdiń suraǵyna jaýap bere otyryp.
Ministr árbir jaǵdaida jalǵa alýshylar belgili bir mindettemeni alatynyn jetkizdi.
«Týrizmdi damytý, sonymen birge tabiǵatqa ziian keltirmeý úshin jaǵdai jasalýy kerek. Atap aitqanda Kóbeituz, Qorjynkól, basqa da kólderdi baqylaý – jergilikti atqarýshy organdardyń quzyreti. Álbette ákimdikter tiisti jaǵdaidy jasaý boiynsha durys ideiany ustanǵysy keledi. Alaida jeke biznes memleketke qaraǵanda kóbirek jaily jaǵdai jasaidy. Ony túsiný kerek. Alaida biznestiń túpki mindeti – tabiǵatqa ziian keltirmeý bolýy tiis», - dedi Maǵzum Myrzaǵaliev.
