Ishki ister ministri Qalmuhanbet Qasymov Denis Ten qaitys bolǵannan keiin marapattalǵan medal týraly aitty, dep habarlaidy Sputnik Qazaqstan tilshisi.
"Bul - men marapattaityn eń joǵarǵy nagrada. Bul medal túrli jaǵdai kezinde erlik kórsetkeni úshin jáne óziniń fýnktsionaldyq mindetterin oryndaǵany úshin beriledi", — dedi Qasymov májilis kýlýarynda.
Onyń aitýynsha, Denis Ten qylmystyń jasalýyna tosqaýyl bolyp, ózin batyl ustady.
"Sondyqtan men ony marapattaý týraly sheshim qabyldadym", — dedi ministr.
"Jeli qoldanýshylarynyń marapatqa qatysty san túrli pikirine qalai qaraisyz?" degen jýrnalisterdiń suraǵyna Qasymov "qolymnan keletini bar bolǵany osy" dedi.
Aita ketsek, ótken jumada ishki ister ministriniń buiryǵymen Denis Ten qaitys bolǵannan keiin medalmen marapattaldy. Marapattaý rásimi Ulttyq ulannyń áskeri bólimshesinde ótti. Qazaqstandyq mánerlep syrǵanaýshynyń ákesine "Qoǵamdyq tártipti qorǵaýǵa qosqan úlesi úshin" medali berildi.
2011 jyldan 2012 jylǵa deiin Denis Ten Almatydaǵy Ulttyq ulannyń № 7552 áskeri bóliminde áskeri qyzmette bolǵan. Sochi olimpiadasyna deiin ol "kishi serjant" ataǵyna ie bolǵan, biraq qola medal jeńip alǵany belgili bolǵanan keiin ony leitenant ataǵyna deiin kóterý týraly buiryq shyqty.
