Energetika ministri Bolat Aqsholaqov Qazaqstanda jaqyn arada benzin men gaz baǵasy ósýi múmkin degen suraqqa jaýap berdi, - dep habarlaidy Massaget.kz portaly.
Green Step ulttyq áleýmettik naýqanynyń jobalaryn marapattaý rásimi aiasynda jýrnalistiń suraǵyna jaýap bergen Aqsholaqov baǵanyń kúrt ósýi "múlde josparlanbaǵanyn" aitti.
"Biz bul áleýmettik mańyzdy másele ekenin túsinemiz. Ázirge AI-92 baǵasynyń kúrt ósýin tejeý saiasatyn jalǵastyramyz. Bul suiytylǵan gazǵa da qatysty. Óndirýshiler úshin jetkilikti ádil baǵa berý kerek ekeni túsinikti. Búgin gazdyń belgilengen shekti baǵasynyń ishinde ony óndirýshiler men satýshylar arasynda qaita bólý múmkindigi áli de bar. Eshteńe burmalanbaýy úshin. Óitkeni zaýyttar kem degende ózindik qunyn alýy kerek. Árine, bólshek saýda baǵasyna jol bere almaimyz. Biz qazir ońtailandyrýǵa tyrysamyz. Sondyqtan aldaǵy jarty jylda baǵanyń aitarlyqtai ósýi josparda joq. Biz qazir jalpy, baǵa ósýiniń aldyn alý jolyn qarastyryp jatyrmyz", - dep túsindirdi Bolat Aqsholaqov.
