QR Ulttyq ekonomika ministri Timýr Súleimenov Jańa jyl qarsańynda azyq-túlik pen ózge de taýar qunynyń ósýi máselesine pikir bildirdi, dep habarlaidy "Ult aqparat".
«Infliatsiia 500-den astam taýarǵa qatysty, iaǵni kókónispen qatar, ónerkásiptik taýarlar men qyzmetter qamtylyp otyr. Olar boiynsha qazir jaǵdai qalypty. Atap aitqanda, tarifterti tómendetý boiynsha iske asyrylyp jatqan Prezident tapsyrmasy turǵysynda infliatsiia 5-7 paiyz dálizinde bolady dep kútilýde», - dedi ministr Parlament Májilisiniń jalpy otyrysynan soń tilshiler saýalyna jaýap bere otyryp.
Osy oraida, ol suranystyń artýy baǵanyń ósimine alyp keletinin de atap ótti.
«Bul jaǵdai túsinikti, sebebi biz naryqtyq ekonomikada ómir súrip jatyrmyz. Taýarǵa suranys artqan saiyn, baǵa únemi joǵarylai beredi. Bul turǵyda qonaq úilerde jaz kezinde basqa baǵa qalyptassa, qysta baǵa kersinshe tómendeidi. Osy jaǵdailar naryqtyń aiasynda qalyptasyp otyr jáne oǵan daiyn bolý kerek», - dedi Timýr Súleimenov.
Ministrdiń atap ótýinshe, azyq-túlikti arzan baǵamen satý úshin memleket tiisti dúkenderdi ashýdy josparlamaidy.
«Eger de biz naryqtyq jaǵdaida ómir súrgimiz kelse, onda biz onyń ońtaily tustarymen qatar, baǵanyń ósýine qatysty basqa da jaqtaryn qabyldaýymyz kerek. Qaitalap aitamyn, buny ministrlik te, Úkimet te istep jatqan joq. Osy is-qimyldar naryq sýbektilerine bailanysty. Árine, limitterdi elemeitinder baiqalsa, biz olardy monopoliiaǵa qarsy retteý tetikteri arqyly jazaǵa tartamyz», - dedi vedomstvo basshysy.
