Saýda jáne integratsiia ministri Baqyt Sultanov áleýmettik mańyzdaǵy azyq-túlik taýarlary baǵasyn 45 paiyzǵa deiin tómendetý múmkindigi týraly aitty, dep habarlaidy QazAqparat.
«Tutas ári tiimdi saýda-logistikalyq infraqurylymdy qalyptastyrý úshin ulttyq taýar ótkizýshi júie qurylýda. Ol fermerlerdi, satyp alýshylardy, kólik qyzmetkerlerin, deldal men riteilerdi biryńǵai klasterge biriktiredi. Iaǵni tehnikalyq ári aqparattyq turǵyda qamtidy», - dedi ministr onlain rejimde halyq aldynda esep berýi barysynda.
Onyń aitýynsha, biryńǵai tsifrlyq júiemen biriktirilgen 24 kóterme-úlestirý ortalyǵy ónimdi jetkizý tizbegin ońtailandyrady. Osy oraida óndirýshiden tutynýshyǵa deiin jetkizýdi qamtyp, ónimdi saqtaýǵa, tiimdi bólýge qolaily jaǵdai jasalady. Taýardyń búliný qaýpin tómendetý sharalary fermerlerge ónimdilikti arttyrý úshin qosymsha investitsiia bólýge jol ashady.
«Sonymen birge, jeke óndirýshiniń taýardy ótkizý naryǵyna tikelei qol jetkizýi tabysyn eleýli somada arttyrady. Al tutynýshy sapaly ári qaýipsiz ónimdi alady. Bul turǵyda áleýmettik mańyzdaǵy azyq-túlik taýarlary baǵasyn 45 paiyzǵa deiin tómendetýge múmkin bolady. Osy oraida tutynýshylar úshin jylyna 60 mlrd teńge shamasynda únemdeýge yqpal etedi. Ulttyq taýar ótkizý júiesi baǵa turaqtylyǵyn qamtamasyz etip, maýsymdyq tapshylyqty joiatynyn atap ótken jón», - dedi Sultanov.
