ساۋدا جەنە ينتەگراتسييا مينيسترٸ باقىت سۇلتانوۆ ەلەۋمەتتٸك ماڭىزداعى ازىق-تٷلٸك تاۋارلارى باعاسىن 45 پايىزعا دەيٸن تٶمەندەتۋ مٷمكٸندٸگٸ تۋرالى ايتتى, دەپ حابارلايدى قازاقپارات.
«تۇتاس ەرٸ تيٸمدٸ ساۋدا-لوگيستيكالىق ينفراقۇرىلىمدى قالىپتاستىرۋ ٷشٸن ۇلتتىق تاۋار ٶتكٸزۋشٸ جٷيە قۇرىلۋدا. ول فەرمەرلەردٸ, ساتىپ الۋشىلاردى, كٶلٸك قىزمەتكەرلەرٸن, دەلدال مەن ريتەيلەردٸ بٸرىڭعاي كلاستەرگە بٸرٸكتٸرەدٸ. ياعني تەحنيكالىق ەرٸ اقپاراتتىق تۇرعىدا قامتيدى», - دەدٸ مينيستر ونلاين رەجيمدە حالىق الدىندا ەسەپ بەرۋٸ بارىسىندا.
ونىڭ ايتۋىنشا, بٸرىڭعاي تسيفرلىق جٷيەمەن بٸرٸكتٸرٸلگەن 24 كٶتەرمە-ٷلەستٸرۋ ورتالىعى ٶنٸمدٸ جەتكٸزۋ تٸزبەگٸن وڭتايلاندىرادى. وسى ورايدا ٶندٸرۋشٸدەن تۇتىنۋشىعا دەيٸن جەتكٸزۋدٸ قامتىپ, ٶنٸمدٸ ساقتاۋعا, تيٸمدٸ بٶلۋگە قولايلى جاعداي جاسالادى. تاۋاردىڭ بٷلٸنۋ قاۋپٸن تٶمەندەتۋ شارالارى فەرمەرلەرگە ٶنٸمدٸلٸكتٸ ارتتىرۋ ٷشٸن قوسىمشا ينۆەستيتسييا بٶلۋگە جول اشادى.
«سونىمەن بٸرگە, جەكە ٶندٸرۋشٸنٸڭ تاۋاردى ٶتكٸزۋ نارىعىنا تٸكەلەي قول جەتكٸزۋٸ تابىسىن ەلەۋلٸ سومادا ارتتىرادى. ال تۇتىنۋشى ساپالى ەرٸ قاۋٸپسٸز ٶنٸمدٸ الادى. بۇل تۇرعىدا ەلەۋمەتتٸك ماڭىزداعى ازىق-تٷلٸك تاۋارلارى باعاسىن 45 پايىزعا دەيٸن تٶمەندەتۋگە مٷمكٸن بولادى. وسى ورايدا تۇتىنۋشىلار ٷشٸن جىلىنا 60 ملرد تەڭگە شاماسىندا ٷنەمدەۋگە ىقپال ەتەدٸ. ۇلتتىق تاۋار ٶتكٸزۋ جٷيەسٸ باعا تۇراقتىلىعىن قامتاماسىز ەتٸپ, ماۋسىمدىق تاپشىلىقتى جوياتىنىن اتاپ ٶتكەن جٶن», - دەدٸ سۇلتانوۆ.
