Bilim jáne ǵylym ministri Erlan Saǵadiev elordadaǵy elitaly mektepte bolǵan oqiǵaǵa qatysty túsinikteme berdi, dep habarlaidy Sputnik Qazaqstan.
Saǵadiev vedomstvo bolǵan oqiǵaǵa qatysty áli saýal joldamaǵanyn jáne jazbasha jaýap almaǵanyn málimdedi.
"Biz áli jaýap suratqan joqpyz, endi joldaimyz. Qandai oqiǵa týraly sóz bolyp otyrǵanyn bilmeimin", — dedi ministr úkimet kýlýarynda.
Ol muǵalimge qatysty qandai sharalar qolǵa alyný qajet ekeni ázirge belgisiz ekenin aitty.
Buǵan deiin Astanadaǵy QSI (Quality Schools International) halyqaralyq mektebiniń muǵalimi oqýshyǵa qatysty "orynsyz ári kásibiligine jat áreket" jasaǵany úshin jumystan qýylǵan edi.
Mektep ákimshiligi oqytýshynyń áreketi qylmystyq sipatta bolmasa da, QSI muǵalimderiniń kelisimsharty men kodeksine qarama-qaishy bolǵanyn málimdedi. Osyǵan bailanysty muǵalimmen arada jasalǵan kelisimshart birden kúshin joiǵan. Sheteldik muǵalim bir táýlik ishinde Qazaqstannan ketti.
Beiresmi aqparat boiynsha, jumystan qýylǵan muǵalim Stiven Svorýp Djekson bolýy múmkin.
