QR Bilim jáne ǵylym ministri Ashat Aimaǵambetov Úkimet otyrysynda oqýshylardyń fýnktsionaldyq saýattylyǵyn arttyrý úshin «Jahandyq quzyrettilikter» tańdaý kýrsy engiziletinin aitty, dep habarlaidy QazAqparat.
«Akademiialyq bilimmen birge oqýshylarǵa ómirlik mańyzy zor daǵdylardy igertýge baǵyttalǵan «Jahandyq quzyrettilikter» tańdaý kýrsy usynylatyn bolady.
Prezidentimiz tehnikalyq baǵyttaǵy mamandyqtardy damytý boiynsha tapsyrma berdi. Ony oryndaý úshin matematikalyq bilimniń sapasyn arttyrý qajet. Ol úshin oqý baǵdarlamalaryn, ádistemelik quraldardy, oqýlyqtardy jańartamyz, matematikany toptarǵa bólip oqytýdy qolǵa alamyz.
Balalardy eńbekke daiyndaý úshin erte kásiptik baǵdarlaýǵa basa nazar aýdarylady, tiisti baǵdarlamany ózgertip, oqý-óndiristik kombinattardyń qyzmetin jańǵyrtamyz», - dedi Ashat Aimaǵambetov.
Sonymen birge, ol orta bilim berýdiń sapasyn baǵalaý úshin qorytyndy attestattaý jáne baqylaý qaǵidalary jetildiriletinin aitty.
«Altyn belgige» úmitkerlerge qoiylatyn talaptar da kúsheitiledi. Biyldan bastap bilim berý sapasyna syrttai baǵalaý tolyǵymen eńgiziledi. Memlekettik attestattaý rásimi qaitarylyp, profilaktikalyq baqylaý túrinde balabaqsha, mektep, kolledj deńgeileri úshin ótkiziledi. Zańǵa qajetti ózgerister eńgizildi», - dedi ministr.
