قر بٸلٸم جەنە عىلىم مينيسترٸ اسحات ايماعامبەتوۆ ٷكٸمەت وتىرىسىندا وقۋشىلاردىڭ فۋنكتسيونالدىق ساۋاتتىلىعىن ارتتىرۋ ٷشٸن «جاھاندىق قۇزىرەتتٸلٸكتەر» تاڭداۋ كۋرسى ەنگٸزٸلەتٸنٸن ايتتى, دەپ حابارلايدى قازاقپارات.
«اكادەمييالىق بٸلٸممەن بٸرگە وقۋشىلارعا ٶمٸرلٸك ماڭىزى زور داعدىلاردى يگەرتۋگە باعىتتالعان «جاھاندىق قۇزىرەتتٸلٸكتەر» تاڭداۋ كۋرسى ۇسىنىلاتىن بولادى.
پرەزيدەنتٸمٸز تەحنيكالىق باعىتتاعى ماماندىقتاردى دامىتۋ بويىنشا تاپسىرما بەردٸ. ونى ورىنداۋ ٷشٸن ماتەماتيكالىق بٸلٸمنٸڭ ساپاسىن ارتتىرۋ قاجەت. ول ٷشٸن وقۋ باعدارلامالارىن, ەدٸستەمەلٸك قۇرالداردى, وقۋلىقتاردى جاڭارتامىز, ماتەماتيكانى توپتارعا بٶلٸپ وقىتۋدى قولعا الامىز.
بالالاردى ەڭبەككە دايىنداۋ ٷشٸن ەرتە كەسٸپتٸك باعدارلاۋعا باسا نازار اۋدارىلادى, تيٸستٸ باعدارلامانى ٶزگەرتٸپ, وقۋ-ٶندٸرٸستٸك كومبيناتتاردىڭ قىزمەتٸن جاڭعىرتامىز», - دەدٸ اسحات ايماعامبەتوۆ.
سونىمەن بٸرگە, ول ورتا بٸلٸم بەرۋدٸڭ ساپاسىن باعالاۋ ٷشٸن قورىتىندى اتتەستاتتاۋ جەنە باقىلاۋ قاعيدالارى جەتٸلدٸرٸلەتٸنٸن ايتتى.
«التىن بەلگٸگە» ٷمٸتكەرلەرگە قويىلاتىن تالاپتار دا كٷشەيتٸلەدٸ. بيىلدان باستاپ بٸلٸم بەرۋ ساپاسىنا سىرتتاي باعالاۋ تولىعىمەن ەڭگٸزٸلەدٸ. مەملەكەتتٸك اتتەستاتتاۋ رەسٸمٸ قايتارىلىپ, پروفيلاكتيكالىق باقىلاۋ تٷرٸندە بالاباقشا, مەكتەپ, كوللەدج دەڭگەيلەرٸ ٷشٸن ٶتكٸزٸلەدٸ. زاڭعا قاجەتتٸ ٶزگەرٸستەر ەڭگٸزٸلدٸ», - دەدٸ مينيستر.
