Foto:elements.envato.com
Indýstriia jáne infraqurylymdyq damý ministri Qaiyrbek Óskenbaev ABS, qaýipsizdik jastyqtary jáne SOS túimeleri joq tómen ekoklasty kólikterdi shyǵarýǵa ruqsat berý týraly aqparatqa qatysty pikir bildirdi, - dep habarlaidy Tengrinews.kz agenttigi.
Senatta jýrnalister saýalyna jaýap bergen ministr Qazaqstanda kólik shyǵarýǵa qoiylatyn talaptar jeńildemeitinin aitty.
"Biz Eýraziialyq odaqqa múshemiz, kez kelgen standarttardy ózgertý týraly barlyq sheshim odaq aiasynda qabyldanady. Ókinishke qarai, kórshi elderde avtokólikterdi tolyq jiyntyqta shyǵarý múmkin emes, sondyqtan olar aqpanǵa deiin Eýraziialyq odaq aýmaǵynda tolyq emes jiyntyqtaǵy óndiris standarttaryn ózgertýdi surady. Bul tek Belarýs Respýblikasy men Reseige qatysty.
Biraq Qazaqstan aýmaǵynda bul óndiris júrgizilmeidi jáne bul kólikter de kirmeidi. Sondyqtan Qazaqstan aýmaǵynda mundai jiyntyqta eshqandai óndiris júrgizilmeidi", - dedi Óskenbaev.
Eske salaiyq, buǵan deiin BAQ-ta Qazaqstanda ABS, qaýipsizdik jastyqtary jáne SOS túimeleri joq, tómen ekologiialyq klastaǵy kólikterdi shyǵarýǵa ruqsat etilgenin habarlaǵan bolatyn. Indýstriia ministrligi bul aqparatty joqqa shyǵardy.
