Foto: Pixabay
Qyzylordada memleketke 22 mln teńge zalal keltirgen alaiaqtar sottaldy, dep habarlaidy oblystyq sottyń baspasóz qyzmeti.
Qyzylorda qalasynyń №2 sotynda asa iri kólemdegi alaiaqtyq isi qaraldy.
«Is materialdaryna sáikes, A. men J. qylmystyq jospar quryp, júkti áielder men bala kútimine bailanysty memlekettik áleýmettik tólem alýshylarǵa birneshe jumys ornyn qoldan kórsetip, járdemaqyny negizsiz kóbeitýge múmkindik bergen. Sottalýshylar áleýmettik tólem alýshylardyń atynan jalǵan qujattardy tapsyrǵan. Sonyń saldarynan tólemder kólemi zańsyz artqan», – dedi sotta.
Nátijesinde memleketke jalpy somasy 22 mln teńgeden astam shyǵyn keldi: onyń ishinde A. – 15 mln teńgeden, al B. – 7 mln teńgeden astam. Bul is aldyn ala sóz bailasqan alaiaqtyq dep tanyldy.
Sottalýshylar kinásin tolyq moiyndap, keltirilgen shyǵyndy ótedi. Budan bólek, A. óziniń júkti ekenin málimdedi. Jábirlenýshi tarap shyǵynnyń tolyq ótelgenin jáne aiyptalýshylarǵa qatysty talaptarynyń joq ekenin rastady.
Sot sheshimimen A. 5 jylǵa bas bostandyǵynan aiyrylyp, jazasyn onyń balalary 14 jasqa tolǵanǵa deiin keiinge qaldyrý belgilendi. Al B.-ǵa 3 jyl 6 aiǵa bas bostandyǵyn shekteý jazasy kesildi.
Amnistiia týraly zańnyń kúshine enýine bailanysty Qyzylorda oblystyq soty A.-ǵa taǵaiyndalǵan jazany ózgertip, oǵan 3 jyl 4 ai bas bostandyǵynan aiyrý jazasyn belgiledi.
