فوتو: Pixabay
قىزىلوردادا مەملەكەتكە 22 ملن تەڭگە زالال كەلتٸرگەن الاياقتار سوتتالدى, دەپ حابارلايدى وبلىستىق سوتتىڭ باسپاسٶز قىزمەتٸ.
قىزىلوردا قالاسىنىڭ №2 سوتىندا اسا ٸرٸ كٶلەمدەگٸ الاياقتىق ٸسٸ قارالدى.
«ٸس ماتەريالدارىنا سەيكەس, ا. مەن ج. قىلمىستىق جوسپار قۇرىپ, جٷكتٸ ەيەلدەر مەن بالا كٷتٸمٸنە بايلانىستى مەملەكەتتٸك ەلەۋمەتتٸك تٶلەم الۋشىلارعا بٸرنەشە جۇمىس ورنىن قولدان كٶرسەتٸپ, جەردەماقىنى نەگٸزسٸز كٶبەيتۋگە مٷمكٸندٸك بەرگەن. سوتتالۋشىلار ەلەۋمەتتٸك تٶلەم الۋشىلاردىڭ اتىنان جالعان قۇجاتتاردى تاپسىرعان. سونىڭ سالدارىنان تٶلەمدەر كٶلەمٸ زاڭسىز ارتقان», – دەدٸ سوتتا.
نەتيجەسٸندە مەملەكەتكە جالپى سوماسى 22 ملن تەڭگەدەن استام شىعىن كەلدٸ: ونىڭ ٸشٸندە ا. – 15 ملن تەڭگەدەن, ال ب. – 7 ملن تەڭگەدەن استام. بۇل ٸس الدىن الا سٶز بايلاسقان الاياقتىق دەپ تانىلدى.
سوتتالۋشىلار كٸنەسٸن تولىق مويىنداپ, كەلتٸرٸلگەن شىعىندى ٶتەدٸ. بۇدان بٶلەك, ا. ٶزٸنٸڭ جٷكتٸ ەكەنٸن مەلٸمدەدٸ. جەبٸرلەنۋشٸ تاراپ شىعىننىڭ تولىق ٶتەلگەنٸن جەنە ايىپتالۋشىلارعا قاتىستى تالاپتارىنىڭ جوق ەكەنٸن راستادى.
سوت شەشٸمٸمەن ا. 5 جىلعا باس بوستاندىعىنان ايىرىلىپ, جازاسىن ونىڭ بالالارى 14 جاسقا تولعانعا دەيٸن كەيٸنگە قالدىرۋ بەلگٸلەندٸ. ال ب.-عا 3 جىل 6 ايعا باس بوستاندىعىن شەكتەۋ جازاسى كەسٸلدٸ.
امنيستييا تۋرالى زاڭنىڭ كٷشٸنە ەنۋٸنە بايلانىستى قىزىلوردا وبلىستىق سوتى ا.-عا تاعايىندالعان جازانى ٶزگەرتٸپ, وعان 3 جىل 4 اي باس بوستاندىعىنان ايىرۋ جازاسىن بەلگٸلەدٸ.
