Jeti jasar Milana Davydovany óltirdi degen aiyppen ómir boiyna sottalǵan er adam úkimdi jariialaý kezinde qolyn kesip tastaǵan, dep habarlaidy "Ult aqparat" Stan.kz aqparat agenttigine silteme jasap.
Pavlodar oblystyq politsiia departamenti aqparatty rastady.
"Búgin sot zalynda sot úkimi shyqqan kezde 7 jasar Milana Davydovany óltirdi dep aiyptalǵan sottalýshy sol qolynyń bilegin kesip tastady. Aiyptalýshyny dárigerler tekserdi, meditsinalyq kómek pen aýrýhanaǵa jatqyzýdy qajet etpeidi", – delingen habarlamada.
Pavlodar oblystyq jedel járdem stantsiiasynyń málimetinshe, oqiǵadan birneshe minýt ótken soń sot ǵimaratyna jedel járdem brigadasy jetken.
"Qońyraý saǵat 18:35-te tústi, sebep – óz-ózine qol jumsaý áreketi. Shaqyrtýǵa jetý 10 minýtqa sozyldy. Zardap shegýshi – 1971 jyly týǵan er adam. Ol Pavlodar qalalyq №1 aýrýhanasynyń jedel járdem bólimine jetkizildi", – delingen habarlamada.
Eske salsaq, buǵan deiin Pavlodar oblysynda jeti jasar Milana Davydovany óltirdi dep aiyptalǵan er adamnyń ómir boiyna bas bostandyǵynan aiyrylǵan. Al qyzdyń anasy qylmysqa sybailas bolǵany úshin 20 jylǵa bas bostandyǵynan aiyryldy.
Sottalýshylar óz kinálaryn moiyndamaǵan.
