جەتٸ جاسار ميلانا داۆىدوۆانى ٶلتٸردٸ دەگەن ايىپپەن ٶمٸر بويىنا سوتتالعان ەر ادام ٷكٸمدٸ جارييالاۋ كەزٸندە قولىن كەسٸپ تاستاعان, دەپ حابارلايدى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ.
پاۆلودار وبلىستىق پوليتسييا دەپارتامەنتٸ اقپاراتتى راستادى.
"بٷگٸن سوت زالىندا سوت ٷكٸمٸ شىققان كەزدە 7 جاسار ميلانا داۆىدوۆانى ٶلتٸردٸ دەپ ايىپتالعان سوتتالۋشى سول قولىنىڭ بٸلەگٸن كەسٸپ تاستادى. ايىپتالۋشىنى دەرٸگەرلەر تەكسەردٸ, مەديتسينالىق كٶمەك پەن اۋرۋحاناعا جاتقىزۋدى قاجەت ەتپەيدٸ", – دەلٸنگەن حابارلامادا.
پاۆلودار وبلىستىق جەدەل جەردەم ستانتسيياسىنىڭ مەلٸمەتٸنشە, وقيعادان بٸرنەشە مينۋت ٶتكەن سوڭ سوت عيماراتىنا جەدەل جەردەم بريگاداسى جەتكەن.
"قوڭىراۋ ساعات 18:35-تە تٷستٸ, سەبەپ – ٶز-ٶزٸنە قول جۇمساۋ ەرەكەتٸ. شاقىرتۋعا جەتۋ 10 مينۋتقا سوزىلدى. زارداپ شەگۋشٸ – 1971 جىلى تۋعان ەر ادام. ول پاۆلودار قالالىق №1 اۋرۋحاناسىنىڭ جەدەل جەردەم بٶلٸمٸنە جەتكٸزٸلدٸ", – دەلٸنگەن حابارلامادا.
ەسكە سالساق, بۇعان دەيٸن پاۆلودار وبلىسىندا جەتٸ جاسار ميلانا داۆىدوۆانى ٶلتٸردٸ دەپ ايىپتالعان ەر ادامنىڭ ٶمٸر بويىنا باس بوستاندىعىنان ايىرىلعان. ال قىزدىڭ اناسى قىلمىسقا سىبايلاس بولعانى ٷشٸن 20 جىلعا باس بوستاندىعىنان ايىرىلدى.
سوتتالۋشىلار ٶز كٸنەلارىن مويىنداماعان.
