قازاق ەستراداسىندا بٸر عانا ەنٸمەن كٶپشٸلٸكتٸڭ ىقىلاسىنا بٶلەنٸپ, ٶنەردەگٸ جاڭا بەلەسكە كٶتەرٸلگەن ەنشٸلەر از ەمەس. كەيبٸرٸ العاشقى حيتٸنٸڭ ارقاسىندا ەلگە تانىلسا, ەندٸ بٸرٸ بۇرىننان جيناعان اۋديتوريياسىن ەسەلەپ, تانىمالدىعىن ارتتىردى. بٸر كەزدەرٸ راديو مەن تەلەارنالاردان ٷزدٸكسٸز بەرٸلگەن بۇل تۋىندىلاردىڭ بٸرقاتارى ارادا جىلدار ٶتسە دە تىڭدارمان جادىنان ٶشكەن جوق. Ult.kz ٶنەر جولىندا ەرەكشە ورىن العان حيت ەندەردٸڭ تاريحىن, ولاردىڭ ورىنداۋشىلارعا قالاي ەسەر ەتكەنٸن جەنە ەنشٸلەردٸڭ ٶز سۇحباتتارىندا ايتقان قىزىقتى دەرەكتەرٸن جيناقتادى.
1. قايرات نۇرتاس – "ارمان": جاس ەنشٸنٸ ەلگە تانىتقان العاشقى حيت
قازاق ەستراداسىنىڭ تانىمال ٶكٸلٸ قايرات نۇرتاس ٷشٸن "ارمان" ەنٸ شىعارماشىلىق جولىنداعى العاشقى ٷلكەن تابىستاردىڭ بٸرٸ بولدى. 2006 جىلى كٶپشٸلٸككە تاراعان تۋىندى جاس ەنشٸنٸڭ ەسٸمٸن ەلگە تانىتىپ, ونىڭ تىڭدارمان قاتارىن كٶبەيتتٸ. ەننٸڭ سٶزٸن دە, ەۋەنٸن دە كومپوزيتور باۋىرجان ەسەباەۆ جازعان. كومپوزيتور 2024 جىلى KAZ.NUR.KZ باسىلىمىنا بەرگەن سۇحباتىندا بۇل شىعارمانىڭ 2004 جىلى ٶمٸرٸندەگٸ قيىن كەزەڭدە دٷنيەگە كەلگەنٸن ايتقان. سول كەزدە الماتىعا جاڭادان كەلگەن اۆتور تۇراقتى جۇمىسى مەن باسپاناسى بولماي, رۋحاني كٷيزەلٸستٸ باستان ٶتكەرگەن. باستاپقىدا ەندٸ باسقا ورىنداۋشىلارعا ۇسىنعانىمەن, كەيٸن قايرات نۇرتاستىڭ اناسى گٷلزيرا ايداربەكوۆا حابارلاسىپ, تۋىندىنى ۇلىنا بەرۋدٸ سۇراعان. سٶيتٸپ, جاس ەنشٸنٸڭ ورىنداۋىنداعى "ارمان" كٶپشٸلٸككە تاراپ, ونىڭ شىعارماشىلىق ٶمٸرٸندە جاڭا كەزەڭ باستالدى.
گٷلزيرا ايداربەكوۆا نتك تەلەارناسىنا بەرگەن سۇحباتىندا سول ۋاقىتتا بۇل ەندٸ بٸلمەيتٸن ادام از بولعانىن ەسكە العان. ەننٸڭ تانىمال بولۋى قايراتتىڭ ەل ارالاپ كونتسەرت بەرۋٸنە جەنە ٷلكەن ساحناعا قادام باسۋىنا ىقپال ەتتٸ.
ارادا جيىرما جىلعا جۋىق ۋاقىت ٶتسە دە "ارمان" ەنشٸنٸڭ العاشقى تانىمالدىعىن ەسكە تٷسٸرەتٸن تۋىندى رەتٸندە اتالىپ كەلەدٸ.
2. مەيرامبەك بەسپاەۆ – "بوزتورعاي": بالا ەنشٸنٸڭ جۇلدىزىن جاققان تۋىندى
مەيرامبەك بەسپاەۆ بالا كٷنٸندە ورىنداعان "بوزتورعاي" ەنٸ ارقىلى قالىڭ جۇرتشىلىقتىڭ ىقىلاسىنا بٶلەندٸ. جەتٸم بالانىڭ ساعىنىشى مەن مۇڭىن جەتكٸزەتٸن شىعارمانىڭ ەۋەنٸن التىنبەك قورازباەۆ, سٶزٸن ەبدٸراحمان اسىلبەكوۆ جازعان. مەيرامبەكتٸڭ ٶنەرگە كەلۋٸنە ۇستازى التىنبەك قورازباەۆ ەرەكشە ىقپال ەتٸپ, ونى بالا كەزٸنەن ساحناعا باۋلىعان. ەنشٸ بٸر سۇحباتىندا "بوزتورعايدى" ورىنداماس بۇرىن ۇستازى ٶزٸن جەتٸمدەر ٷيٸنە اپارىپ, ونداعى بالالاردىڭ ٶمٸرٸمەن تانىستىرعانىن ايتقان. مۇنداعى ماقسات جاس ورىنداۋشىنىڭ ەندەگٸ قايعى مەن ساعىنىشتى تٷسٸنٸپ, ونى تىڭدارمانعا شىنايى جەتكٸزۋٸ بولعان.
مەيرامبەكتٸڭ بالا داۋسىمەن شىرقاعان ەنٸ حالىققا قاتتى ەسەر ەتٸپ, كٶپشٸلٸك ونى "قازاقتىڭ بوزتورعايى" دەپ اتاي باستادى. تٸپتٸ ەندەگٸ مۇڭدى شىنايى جەتكٸزگەنٸ سونشالىق, كەيبٸر تىڭدارماندار ورىنداۋشىنىڭ ٶزٸن جەتٸم بالا ەكەن دەپ ويلاعان.
2017 جىلى "تاڭشولپان" باعدارلاماسىنا بەرگەن سۇحباتىندا مەيرامبەك ٶزٸنٸڭ ٶنەردەگٸ العاشقى جەتٸستٸگٸ "بوزتورعاي" ەكەنٸن اتاپ ٶتكەن. كەيٸن ول "مۋزارت" توبىنىڭ قۇرامىندا ٶنەر كٶرسەتٸپ, قازاق ەستراداسىنداعى تانىمال ەنشٸلەردٸڭ بٸرٸنە اينالدى.
2025 جىلى "بوزتورعاي" ەنٸ "بولماعان بالالىق شاق" فيلمٸنٸڭ ساۋندترەگٸ رەتٸندە قايتا ۇسىنىلىپ, تۋىندىنىڭ ٶمٸرشەڭدٸگٸن تاعى بٸر مەرتە كٶرسەتتٸ.
3. ەركە ەسماحان – "قايدا?": ميلليونداعان قارالىم جيناعان ەننٸڭ قۇپيياسى
ەركە ەسماحان 2017 جىلى جارىققا شىققان "قايدا?" ەنٸمەن تانىمالدىعىن جاڭا دەڭگەيگە كٶتەردٸ. بۇعان دەيٸن "ٸڭكەر" توبىندا ٶنەر كٶرسەتٸپ, كەيٸن جەكە شىعارماشىلىعىن باستاعان ەنشٸ "اللو" دۋەتٸمەن دە كٶپشٸلٸكتٸڭ ىقىلاسىنا بٶلەنگەن ەدٸ.
الايدا "قايدا?" ەنٸ جارىق كٶرگەننەن كەيٸن ونىڭ ەسٸمٸ ەلەۋمەتتٸك جەلٸلەردە جيٸ اتالا باستادى. نتك تەلەارناسىنىڭ مەلٸمەتٸنشە, بەينەبايان العاشقى ون كٷننٸڭ ٸشٸندە 2,5 ميلليوننان استام قارالىم جيناعان. ەننٸڭ ەۋەنٸن جاس كومپوزيتور ديانا يسمايل, ال سٶزٸن اقىن قاينار الاگٶزوۆ جازعان. ديانا يسمايل دينارا سەتجانعا بەرگەن سۇحباتىندا تۋىندىنى نەبەرٸ 15 جاسىندا جازعانىن ايتىپ, ونىڭ قىزىقتى تاريحىن بٶلٸسكەن. كومپوزيتوردىڭ سٶزٸنشە, ەركە ستۋدييادا ەندٸ كەزدەيسوق ەستٸپ, كەيٸن ونى 250 مىڭ تەڭگەگە ساتىپ العان.
ال ەركە ەسماحان Stan.kz باسىلىمىنا بەرگەن سۇحباتىندا بۇل ەننٸڭ مازمۇنىن ٶزٸنٸڭ ٶمٸرٸمەن بايلانىستىرىپ تٷسٸندٸرگەن. تۋىندىنىڭ تابىسى ەنشٸنٸڭ تىڭدارمان قاتارىن ارتتىرىپ قانا قويماي, ونى ەلەۋمەتتٸك جەلٸدە كەڭ تالقىلاناتىن ٶنەر ادامدارىنىڭ بٸرٸنە اينالدىردى. وسىلايشا "قايدا?" ەركە ەسماحاننىڭ شىعارماشىلىق جولىنداعى ەڭ تانىمال حيتتەرٸنٸڭ بٸرٸ بولىپ قالدى.
4. تٶرەعالي تٶرەەلٸ – "بول جانىمدا": ايتىسكەر اقىندى ەستراداعا تانىتقان حيت
قازاق ەستراداسىنىڭ تانىمال ەنشٸسٸ تٶرەعالي تٶرەەلٸنٸڭ ٶنەر جولىندا "بول جانىمدا" ەنٸنٸڭ ورنى ەرەكشە. العاشىندا ايتىس ساحناسىندا تانىلعان ٶنەر يەسٸ وسى تۋىندى ارقىلى ەسترادا تىڭدارماندارىنىڭ نازارىن اۋداردى. ەننٸڭ سٶزٸن اقىن قاينار الاگٶزوۆ, ال ەۋەنٸن كومپوزيتور قۇرال مولجانوۆ جازعان. جارىققا شىققاننان كەيٸن "بول جانىمدا" جاستار اراسىندا كەڭٸنەن تارالىپ, توي-دۋمان مەن تٷرلٸ باسقوسۋلاردا جيٸ ورىندالا باستادى.
تٶرەعالي 2015 جىلى "اق جەلكەن" جۋرنالىنا بەرگەن سۇحباتىندا ەننٸڭ قوعامدىق كٶلٸكتەردە دە, تويلاردا دا شىرقالىپ جٷرگەنٸن ايتىپ, ونىڭ حالىق اراسىندا تانىلعانىنا توقتالعان. ەننٸڭ بەينەبايانىنا قاتىستى دا قىزىقتى وقيعا بار: ٶنەر يەسٸ "جۇلدىزدار وتباسى" باسىلىمىنا بەرگەن سۇحباتىندا كليپكە بولاشاق جارى تولقىندى تٷسٸرگٸسٸ كەلگەنٸن, الايدا ونىڭ ۇسىنىستان باس تارتقانىن بايانداعان.
"بول جانىمدا" تٶرەعاليدٸڭ ايتىستان بٶلەك, ەسترادا ساحناسىندا دا ٶز تىڭدارمانىن قالىپتاستىرۋىنا ىقپال ەتتٸ. كەيٸن ەنشٸ "اللو" جەنە باسقا دا تانىمال تۋىندىلارىن ورىنداپ, شىعارماشىلىق جولىن جالعاستىردى. ال "بول جانىمدا" ونىڭ العاشقى ٷلكەن ەسترادالىق جەتٸستٸكتەرٸنٸڭ بٸرٸ ەرٸ حالىققا كەڭٸنەن تانىلۋىنا جول اشقان ەن رەتٸندە ەل جادىندا قالدى.
5. اباي بەگەي – "اسپانعا قارايمىن": سوڭعى ٷمٸتكە اينالعان ەننٸڭ جۇلدىزدى جاققان تاريحى
قازاق ەستراداسىنىڭ تانىمال ەنشٸسٸ اباي بەگەيدٸڭ تاعدىرىن ٶزگەرتكەن تۋىندى – 2013 جىلى حيتكە اينالعان "اسپانعا قارايمىن" ەنٸ. ٶنەر يەسٸ بۇعان دەيٸن بٸرنەشە جىل بويى ساحنادان ٶز ورنىن تابۋعا تىرىسىپ, تٸپتٸ كٶلٸگٸن ساتىپ, وتىزعا جۋىق ەن جازدىرعانىمەن, كٶپشٸلٸككە كەڭٸنەن تانىلا الماعان. ەنشٸ "1001 تٷن" باعدارلاماسىنا بەرگەن سۇحباتىندا بۇل تۋىندىنى ۇلىقپان جولداسوۆتىڭ ۇسىنىسىمەن ورىنداعانىن, باستاپقىدا ەننٸڭ ٶزٸنە ۇناماعانىن ايتقان. الايدا شىعارمانى باسقا توپقا بەرەتٸنٸن ەستٸگەن سوڭ, رايىنان قايتىپ, ونى 30 مىڭ تەڭگەگە ساتىپ الۋعا كەلٸسكەن. قالتاسىندا جەتكٸلٸكتٸ قاراجاتى بولماعاندىقتان, اقشانى اقتاۋداعى تانىس كەسٸپكەردەن قارىزعا العان.
بٸر قىزىعى, ەننٸڭ اۆتورى دەۋٸر ساعىندىقوۆ 2024 جىلى KAZ.NUR.KZ باسىلىمىنا بەرگەن سۇحباتىندا تۋىندىنى 2009 جىلى حالىققا قىزمەت كٶرسەتۋ ورتالىعىندا كەزدەستٸرگەن سۇلۋ قىزعا عاشىق بولعان سەتٸندە جازعانىن بايانداعان. اباي بەگەي بولسا, بۇل ەندٸ سوڭعى ٷمٸتٸ ساناپ, اناسىنىڭ سىرقاتتانۋىنا بايلانىستى اقتاۋعا قايتىپ كەتكەن, الايدا ارادا بٸرنەشە اي ٶتكەندە تەڭٸز جاعاسىنداعى دەمحانالاردان ٶز ەنٸنٸڭ شىرقالىپ جاتقانىن ەستٸگەن. كٶپ ۇزاماي "اسپانعا قارايمىن" بٷكٸل ەلگە تاراپ, توي-دۋماننىڭ اجىراماس ەنٸنە اينالدى, تٸپتٸ كۋبالىق Sin Frontera توبى ونى ەنشٸمەن بٸرگە ورىندادى.
اباي بەگەي 2017 جىلى "تاڭشولپان" باعدارلاماسىندا وسى حيتتەن كەيٸن تانىمالدىعى ارتىپ, تۇرمىستىق جاعدايى جاقسارعانىن جەنە كۋبادا كونتسەرت بەرگەنٸن ايتقان. وسىلايشا, بٸر كەزدەرٸ سوڭعى ٷمٸتٸ بولعان "اسپانعا قارايمىن" ەنٸ ٶنەر يەسٸنٸڭ جۇلدىزىن جاعىپ, ەسٸمٸن قازاقستاندىق تىڭدارماننىڭ جادىندا قالدىردى.
كەيدە بٸر ەننٸڭ ٶزٸ ٶنەر يەسٸنٸڭ بٷكٸل تاعدىرىن ٶزگەرتۋگە جەتكٸلٸكتٸ. جىلدار بويعى ٸزدەنٸس, تٶگٸلگەن تەر مەن ٷزٸلمەگەن ٷمٸت بٸر سەتتە ٶز جەمٸسٸن بەرٸپ, قاراپايىم ورىنداۋشىنى حالىقتىڭ سٷيٸكتٸسٸنە اينالدىرادى. الايدا حيتتٸڭ ٶمٸرٸ ساحناداعى تانىمالدىقپەن عانا ٶلشەنبەيدٸ. ۋاقىت ٶتسە دە ۇمىتىلماي, ۇرپاقتان-ۇرپاققا جەتٸپ, تىڭدارماننىڭ قۋانىشى مەن ساعىنىشىنا ورتاق بولعان ەن عانا شىن مەنٸندە حالىقتىڭ جٷرەگٸنەن ورىن الادى. ٶيتكەنٸ جۇلدىزدى بٸر ەن تانىتۋى مٷمكٸن, ال سول ەندٸ مەڭگٸلٸككە اينالدىراتىن – حالىقتىڭ ىقىلاسى.
