Qazaqstan Ulttyq Olimpiadalyq komitetiniń resmi saitynda aidyń úzdik sportshysyn anyqtaýǵa arnalǵan daýys berý rásimi aiaqtaldy, dep habarlaidy "Ult aqparat".
Daýys berý qorytyndysy boiynsha qyrkúiek aiynyń úzdik sportshysy ataǵyn sporttyq gimnastikadan Qazaqstan komandasynyń ókili Milad Karimi jeńip aldy.
Daýys berý rásimine bes úmitker qatysty. Olar – Milad Karimi (sporttyq gimnastika), Daryn Qonysbaev (triatlon), gandboldan Qazaqstan áielder komandasy, nysana kózdeýden jáne regbiden 18 jasqa deiingi Qazaqstan qyzdar komandasy qatysty.
8 qazan kúni saǵat 12:00-de daýys berý aiaqtaldy. Osy aralyqta Milad Karimi jeńiske jetken. Gimnast 73,19 daýys jinady.
Onyń izin ala regbiden Qazaqstan qyzdar komandasy ornalassa, úzdik úshtikti nysana kózdeýden Qazaqstan komandasy ielendi.
Aita ketelik, jankúierler saýalnamysynyń nátijesine qaramastan, Olympic.kz barlyq sportshyny jeńisimen quttyqtaidy!
