Áleýmettik jelide aýyr júk kólikteriniń joldaǵy jyldamdyǵyna qatysty másele qaita kóterildi, dep habarlaidy ult.kz.
Jeli qoldanýshysy Nurbolat Azilov beton aralastyrǵysh kólikteri men iri júk tasityn fýralarǵa qala ishinde jyldamdyq shekteýin 40 km/saǵat deńgeiinde belgileýdi usyndy. Onyń aitýynsha, mundai kólikterdiń joǵary jyldamdyqpen júrýi jol qozǵalysyna qaýip tóndiredi,
«Búgin osy jaǵdaidy kórip jaman boldym. Kúnige balalarymyzǵa eskertý jasaimyz. Biraq Mikser Kamazdardyń qatty aidaityny alańdatady. Olar saǵatyna jumys jasaityn bolǵan soń vechno asyǵyp uiqylary qanbai aqsha dep júredi. Eger olarǵa ogranichenie 40 qoiylmasa jaǵdaiymyz nashar bolmaq. Jazdai osyndai qaiǵylar kóp bolady», – degen ol politsiia Departamentine osy máseleni qolǵa alýdy surady.
«Bala bala isin jasaidy. Úlken Erketerge ne joq bala siiaqty jarysyp júredi. Astana qalasy boiynsha barlyq Júk kólikterine 40 degen ogranichenie qoiylyp, buzǵan jaǵdaida pravalaryn lesheniege jiberýlerińizdi suraimyz!», – dedi jeli qoldanýshysy.
Bul pikirge qoldaý bildirgender de, qarsy shyqqandar da boldy. Keibir qoldanýshylar aýyr júk kólikteriniń úlken salmaǵyna bailanysty tejelý qashyqtyǵy uzaratynyn aityp, mundai shekteý jol qaýipsizdigi úshin qajet dep sanaidy. Olardyń pikirinshe, ásirese turǵyn aýdandar men adam kóp júretin kóshelerde júk kólikteriniń jyldamdyǵyn tómendetý apattyń aldyn alýǵa kómektesedi.
Al endi biri másele tek jyldamdyqta emes, júrgizýshilerdiń jaýapkershiliginde ekenin alǵa tartty. Olar barlyq kólikke birdei shekteý qoiý logistika men tasymal salasyna áser etýi múmkin deidi.
Sońǵy jyldary Qazaqstanda aýyr júk kólikteriniń qatysýymen bolatyn jol-kólik oqiǵalary jii talqylanyp júr. Ásirese áleýmettik jelilerde fýralar men arnaiy tehnikalardyń qala ishinde joǵary jyldamdyqpen júrýi týraly beineler taralady.
Qazirgi tańda Qazaqstanda júk kólikterine arnalǵan jyldamdyq shekteýleri jol túrine jáne eldi mekenge bailanysty belgilenedi. Alaida áleýmettik jelidegi bul usynys qoǵam arasynda jol qaýipsizdigi máselesine qatysty pikirtalastyń áli de ózekti ekenin kórsetti.
