Foto: NewsGeorgia
Sailaýda jeńiske jetken Mihail Kavelashvili resmi túrde Grýziia prezidenti qyzmetine kiristi, dep habarlaidy Ulysmedia.kz.
Parlamenttiń jalpy májilis zalyndaǵy saltanatty rásimde Kavelashvili ant qabyldady, odan keiin memlekettik ánuran shyrqaldy. Saltanatty sharaǵa sailanǵan prezidenttiń otbasy músheleri, parlament depýtattary, grýzin pravoslavie shirkeýiniń jáne basqa konfessiialardyń ókilderi, sondai-aq Grýziianyń basqa da resmi tulǵalary qatysty.
Zýrabishvilidiń narazylyǵy
Bilik merzimi 29 jeltoqsanda aiaqtalatyn Grýziia prezidenti Salome Zýrabishvili Tbilisidegi Orbeliani saraiyndaǵy rezidentsiiasynan óz erkimen ketip qaldy, biraq ol ókilettiginen bas tartar oiy joq.
ANYQ-QANYQ
«Men bul jerden ketip, zańdylyqty ózimmen birge alyp júremin. Men rezidentsiiada bolsam da, bolmasam da eshteńe ózgermeidi. Zańdy prezident osynda júrgen kezde, bul prezidenttik rezidentsiia naǵyz rámiz boldy. Men Grýziianyń jalǵyz zańdy prezidenti bolyp qala beremin», - dedi Salome Zýrabishvili rezidentsiianyń janyndaǵy jaqtastaryna sóilep.
Onyń sóz sóileýi 14 jeltoqsanda biliktegi reseishil «Grýzin armany» partiiasy Grýziia prezidenti bolyp sailanǵan Mihail Kavelashvilidiń inaýgýratsiia rásimimen qatar ótti.
Zýrabishvili inaýgýratsiiany «erkinshilik» dep atap, jańa parlamenttik sailaýdy taǵaiyndaý úshin kúresti jalǵastyrýǵa ýáde berdi.
Eske sala ketsek, burynǵy fýtbolist Kavelashvili Grýziia prezidenti bolyp sailanǵan.
Al odan keiin Grýziiada myńdaǵan adam parlament sailaýyn qaita ótkizýdi talap etip alańǵa shyqty.
BOIKOT
Sailaý mejesin eńserip, 61 depýtat mandatyna ie bolǵan tórt oppozitsiialyq partiia birinshi sessiiaǵa boikot jariialady. Sebebi sailaý nátijeleri burmalandy dep málimdedi. Grýziia prezidenti Salome Zýrabishvili de jańa parlamentti moiyndamaidy.
Grýziianyń Jas zańgerler assotsiatsiiasy (AMIýG) "jańa parlament músheleriniń ókilettiligin moiyndaý Konstitýtsiia men parlament reglamentin buzady" dep málimdedi.
AMIýG jańadan sailanǵan parlament múshelerin "Grýziia Konstitýtsiiasynyń talaptaryna baǵynýǵa" shaqyryp, Konstitýtsiialyq sot sheshimi shyqqansha sessiiany toqtatýdy surady.
Zýrabishvili buǵan deiin sailaý nátijelerin konstitýtsiiaǵa qaishy dep taný týraly sotqa shaǵymdanǵan bolatyn.
NARAZYLYQ
Parlament ǵimaratynyń aldynda jinalǵandar da osyndai talaptardy bildirýde.
GRÝZIIaDAǴY PARLAMENT SAILAÝY
Grýziianyń Ortalyq sailaý komissiiasy 16 qarashada 2024 jylǵy 26 qazanda ótken parlamenttik sailaýdyń nátijelerin resmi túrde bekitti. Komissiia málimetteri boiynsha "Grýzin armany" partiiasy shamamen 54 paiyz daýys jinap, 150 orynnan 89-yna ie boldy. "Ózgerister koalitsiiasy" 19 depýtat mandatyn, "Birtutas ulttyq qozǵalys" – 16, "Kúshti Grýziia" – 14, "Grýziia úshin" – 12 mandat aldy.
Grýziia prezidenti Salome Zýrabishvili men oppozitsiialyq partiialar sailaý nátijelerin júzdegen baqylaýshylardyń anyqtaǵan quqyq buzýshylyqtary men daýys berýdiń qupiialylyǵyna qatysty suraqtarǵa bailanysty moiyndamady. Ortalyq sailaý komissiiasy men "Grýzin armany" kez kelgen burmalaýshylyqty joqqa shyǵarýda.
.jpg)