ميحايل كاۆەلاشۆيلي گرۋزييا پرەزيدەنتٸ قىزمەتٸنە كٸرٸستٸ

فوتو: NewsGeorgia

سايلاۋدا جەڭٸسكە جەتكەن ميحايل كاۆەلاشۆيلي رەسمي تٷردە گرۋزييا پرەزيدەنتٸ قىزمەتٸنە كٸرٸستٸ, دەپ حابارلايدى Ulysmedia.kz.

پارلامەنتتٸڭ جالپى مەجٸلٸس زالىنداعى سالتاناتتى رەسٸمدە كاۆەلاشۆيلي انت قابىلدادى, ودان كەيٸن مەملەكەتتٸك ەنۇران شىرقالدى. سالتاناتتى شاراعا سايلانعان پرەزيدەنتتٸڭ وتباسى مٷشەلەرٸ, پارلامەنت دەپۋتاتتارى, گرۋزين پراۆوسلاۆيە شٸركەۋٸنٸڭ جەنە باسقا كونفەسسييالاردىڭ ٶكٸلدەرٸ, سونداي-اق گرۋزييانىڭ باسقا دا رەسمي تۇلعالارى قاتىستى.

زۋرابيشۆيليدٸڭ نارازىلىعى

بيلٸك مەرزٸمٸ 29 جەلتوقساندا اياقتالاتىن گرۋزييا پرەزيدەنتٸ سالومە زۋرابيشۆيلي تبيليسيدەگٸ وربەلياني سارايىنداعى رەزيدەنتسيياسىنان ٶز ەركٸمەن كەتٸپ قالدى, بٸراق ول ٶكٸلەتتٸگٸنەن باس تارتار ويى جوق.

انىق-قانىق

«مەن بۇل جەردەن كەتٸپ, زاڭدىلىقتى ٶزٸممەن بٸرگە الىپ جٷرەمٸن. مەن رەزيدەنتسييادا بولسام دا, بولماسام دا ەشتەڭە ٶزگەرمەيدٸ. زاڭدى پرەزيدەنت وسىندا جٷرگەن كەزدە, بۇل پرەزيدەنتتٸك رەزيدەنتسييا ناعىز رەمٸز بولدى. مەن گرۋزييانىڭ جالعىز زاڭدى پرەزيدەنتٸ بولىپ قالا بەرەمٸن», - دەدٸ سالومە زۋرابيشۆيلي رەزيدەنتسييانىڭ جانىنداعى جاقتاستارىنا سٶيلەپ.

ونىڭ سٶز سٶيلەۋٸ 14 جەلتوقساندا بيلٸكتەگٸ رەسەيشٸل «گرۋزين ارمانى» پارتيياسى گرۋزييا پرەزيدەنتٸ بولىپ سايلانعان ميحايل كاۆەلاشۆيليدٸڭ يناۋگۋراتسييا رەسٸمٸمەن قاتار ٶتتٸ.

زۋرابيشۆيلي يناۋگۋراتسييانى «ەركٸنشٸلٸك» دەپ اتاپ, جاڭا پارلامەنتتٸك سايلاۋدى تاعايىنداۋ ٷشٸن كٷرەستٸ جالعاستىرۋعا ۋەدە بەردٸ.

ەسكە سالا كەتسەك, بۇرىنعى فۋتبوليست كاۆەلاشۆيلي گرۋزييا پرەزيدەنتٸ بولىپ سايلانعان. 

ال ودان كەيٸن گرۋزييادا مىڭداعان ادام پارلامەنت سايلاۋىن قايتا ٶتكٸزۋدٸ تالاپ ەتٸپ الاڭعا شىقتى.

بويكوت

سايلاۋ مەجەسٸن ەڭسەرٸپ, 61 دەپۋتات مانداتىنا يە بولعان تٶرت وپپوزيتسييالىق پارتييا بٸرٸنشٸ سەسسيياعا بويكوت جارييالادى. سەبەبٸ سايلاۋ نەتيجەلەرٸ بۇرمالاندى دەپ مەلٸمدەدٸ. گرۋزييا پرەزيدەنتٸ سالومە زۋرابيشۆيلي دە جاڭا پارلامەنتتٸ مويىندامايدى.

گرۋزييانىڭ جاس زاڭگەرلەر اسسوتسياتسيياسى (اميۋگ) "جاڭا پارلامەنت مٷشەلەرٸنٸڭ ٶكٸلەتتٸلٸگٸن مويىنداۋ كونستيتۋتسييا مەن پارلامەنت رەگلامەنتٸن بۇزادى" دەپ مەلٸمدەدٸ.

اميۋگ جاڭادان سايلانعان پارلامەنت مٷشەلەرٸن "گرۋزييا كونستيتۋتسيياسىنىڭ تالاپتارىنا باعىنۋعا" شاقىرىپ, كونستيتۋتسييالىق سوت شەشٸمٸ شىققانشا سەسسييانى توقتاتۋدى سۇرادى.

زۋرابيشۆيلي بۇعان دەيٸن سايلاۋ نەتيجەلەرٸن كونستيتۋتسيياعا قايشى دەپ تانۋ تۋرالى سوتقا شاعىمدانعان بولاتىن.

نارازىلىق

پارلامەنت عيماراتىنىڭ الدىندا جينالعاندار دا وسىنداي تالاپتاردى بٸلدٸرۋدە.

گرۋزيياداعى پارلامەنت سايلاۋى

گرۋزييانىڭ ورتالىق سايلاۋ كوميسسيياسى 16 قاراشادا 2024 جىلعى 26 قازاندا ٶتكەن پارلامەنتتٸك سايلاۋدىڭ نەتيجەلەرٸن رەسمي تٷردە بەكٸتتٸ. كوميسسييا مەلٸمەتتەرٸ بويىنشا "گرۋزين ارمانى" پارتيياسى شامامەن 54 پايىز داۋىس جيناپ, 150 ورىننان 89-ىنا يە بولدى. "ٶزگەرٸستەر كواليتسيياسى" 19 دەپۋتات مانداتىن, "بٸرتۇتاس ۇلتتىق قوزعالىس" – 16, "كٷشتٸ گرۋزييا" – 14, "گرۋزييا ٷشٸن" – 12 ماندات الدى.

گرۋزييا پرەزيدەنتٸ سالومە زۋرابيشۆيلي مەن وپپوزيتسييالىق پارتييالار سايلاۋ نەتيجەلەرٸن جٷزدەگەن باقىلاۋشىلاردىڭ انىقتاعان قۇقىق بۇزۋشىلىقتارى مەن داۋىس بەرۋدٸڭ قۇپييالىلىعىنا قاتىستى سۇراقتارعا بايلانىستى مويىندامادى. ورتالىق سايلاۋ كوميسسيياسى مەن "گرۋزين ارمانى" كەز كەلگەن بۇرمالاۋشىلىقتى جوققا شىعارۋدا.