Ulttyq banktiń basqarma tóraǵasy Ǵalymjan Pirmatov bazalyq mólsherlemeni 16 paiyz etip belgileýge infliatsiia dinamikasynyń jaǵymsyz qarqynmen ósip bara jatqany da sebep bolǵanyn málim etti. Al infliatsiiaǵa Reseiden aǵylǵan kóshtiń dúrbeleńi de áser etken, dep habarlaidy QazAqparat agenttigi.
«Infliatsiia jyldyq mánde 17,7%-ǵa jetti. 22,2%-ǵa deiin jedeldegen azyq-túlik ónimderi baǵasynyń ósýi infliatsiiaǵa eń kóp úles qosyp otyr. Azyq-túlik infliatsiiasy qurylymynda jumyrtqa, ósimdik mailary, qus eti, nan-toqash ónimderi, jarma men sút ónimderi baǵasynyń barynsha óskeni baiqalady. Al jemis-kókónis ónimderi baǵasynyń maýsymdyq tómendeýi belgili bir dezinfliatsiialyq yqpal etti.
2022 jylǵy qyrkúiekte azyq-túlikke jatpaityn taýarlar infliatsiiasy 17,0%-ǵa deiin jedeldedi. Jihaz, jýý jáne tazalaý quraldary, úi sharýashylyǵyn júrgizýge arnalǵan taýarlar, kómir, otyn jáne aiaq kiim quny da aitarlyqtai ósti», - dedi Ǵalymjan Pirmatov.
Onyń sózine qaraǵanda, tutyný baǵasynyń jyldyq ósimi qyrkúiek aiynda 26,8%-ǵa deiin jedeldegen.
«2022 jylǵy qyrkúiek aiynda aqyly qyzmet kórsetý baǵasynyń jyldyq ósý qarqyny 12,3%-ǵa jetti. Turǵyn úi jaldaý, bilim berý, turǵyn úi-kommýnaldyq sharýashylyǵy qyzmetteriniń jekelegen túrleri qunynyń ósýi de infliatsiiaǵa negizgi úles qosty.
Qyrkúiekte bazalyq infliatsiia 19,7%-ǵa jetip, jyldyq infliatsiianyń turaqty ósýin kórsetti. Bul taýarlar men qyzmetter baǵasynyń joǵary qarqynmen ósýin rastaidy.
Tutyný baǵasynyń jedel qarqynmen ósýi barlyq kórsetkishter boiynsha baiqalýda. Máselen, sońǵy ailarda maýsymdyq faktordy eskermegendegi infliatsiia turaqty ósýde. Onyń jyldyq mánge keltirilgen kórsetkishi shilde aiynda 17,7%-ǵa deiin baiaýlaǵannan keiin tamyz aiynda 23,2%-ǵa deiin ósti, qyrkúiek aiynda 26,8%-ǵa deiin jedeldedi.
Biylǵy qyrkúiek aiynda aldaǵy bir jylǵa kútiletin infliatsiiany mediandyq baǵalaý 16,9% boldy. Respondentter muny azyq-túlik pen janar-jaǵarmai baǵasynyń ózgerýine, syrtqy oqiǵalarǵa, sondai-aq aiyrbastaý baǵamynyń ózgerýine bailanystyryp otyr. Bul óziniń ýaqytsha sipatyna qaramastan infliatsiialyq kútýlerge aitarlyqtai yqpal etetin migratsiialyq shok sebebinen oryn alýda», - dedi Ulttyq bank tóraǵasy.
