Microsoft kompaniiasy qytailyq kompaniianyń shaǵyn videolar almasýǵa múmkindik beretin TikTok qosymshasyn satýdan bas tartqanyn habarlady.
"TikTok iesi ByteDance búgin bizge TikTok-tyń amerikalyq segmentin satpaitynyn habarlady" delingen 13 qyrkúiekte Microsoft jariialaǵan málimdemede.
Buǵan deiin AQSh qosymsha ulttyq qaýipsizdikke qaýip tóndiredi dep málimdep, prezident Donald Tramp TikTok ielerin qosymshany amerikalyq kompaniialarǵa satýǵa keńes bergen edi.
Derekkózge súiengen amerikalyq BAQ ByteDance kompaniiasynyń qosymshasyn Oracle satyp alýy yqtimal ekenin jazdy. Alaida TikTok te, Oracle de bul aqparatqa túsinikteme bermedi.
Ótken aida AQSh prezidenti Donald Tramp qosymshany qoldanatyn adamdardyń jeke derekteri Qytaidyń arnaiy qyzmetiniń qolyna túsýi múmkin dep málimdep, qyrkúiektiń ortasynda TikTok-ty jabatynyn aitqan. edi. Ol ByteDance-ten TikTok-tiń AQSh-taǵy operatsiialaryn amerikalyq kompaniialarǵa satýdy talap etken. TikTok qoldanýshylar týraly málimet Qytai biligine beriledi degen tujyrymdy joqqa shyǵaryp, sot arqyly qosymshaǵa tyiym salý týraly yqtimal sheshimniń kúshin joiýǵa tyrysyp jatyr.
Álemde TikTok-tyń shamamen 700 million qoldanýshysy bar. 100 milliony AQSh-ta turady.
