Foto: primeminister.kz
Ulttyq ekonomika ministri Álibek Qýantyrov Microsoft kompaniiasymen aradaǵy kelisimshart týraly aitty, dep habarlaidy Sputnik Qazaqstan.
"Olarda (Microsoft – red.) úlken qyzyǵýshylyq bar. Kompaiia ókilderi forýmǵa arnaiy keldi. Bizdegi naryqtyń áleýetin kórgisi kelip otyr. Árine olar tsifrovizatsiia ministrligimen jáne Baǵdat Mýsinniń ózimen kezdesý ótkizip jatyr", - dedi Qýantyrov Astana halyqaralyq forýmynda.
Ministrdiń aitýynsha, jaqynda ótken investitsiialyq forýmda yntymaqtastyq máseleleri talqylandy. Shara AQSh-tyń saýda palatasy jáne Qazaqstannyń saýda ministrliginiń uiymdastyrýymen ótti.
"Olarda qyzyǵýshylyq bolmasa, kelmeitin edi. Biz óz tarapymyzdan munai-gaz salasy men paidaly qazbalar salasyna aqsha salyp jatqan amerikalyq kompaniialarmen ǵana emes, mashina jasaý, IT-indýstriia men infraqurylymdy damytý salasynda áriptestik bailanystaryn da ornatýǵa múddeli ekenimizdi jetkizdik", - dep atap kórsetti Qýantyrov.
Aita keteiik, keshe Astanada Chevron, Exxon Mobil, General Electrics, Apple, Google, Microsoft, EPAM Systems, Boeing men Honeywell kompaniialarynyń basshylary qatysqan investitsiialyq forým ótti.
