Meiram Qajyken kezekten tys Prezident sailaýyna kandidat retinde tirkelý úshin Ortalyq sailaý komissiiasyna qujat tapsyrdy, - dep habarlaidy "Ult aqparat" OSK baspasóz qyzmetine silteme jasap.
"4 qazanda OSK-ǵa Qajyken Meiram Zekeshulyn "Amanat "Qazaqstan kásipodaqtar dostastyǵy" Respýblikalyq kásipodaqtar birlestiginen Qazaqstan Respýblikasy Prezidenttigine kandidat etip usyný týraly qujattar tapsyryldy", - delingen habarlamada.
Eske salaiyq, 28 qyrkúiekte "Amanat "Qazaqstan kásipodaqtar dostastyǵy" ortalyq atqarý komiteti otyrysy ótti. Sol kezde Meiram Qajyken osy uiymnan kandidat retinde usynylǵan.
Meiram Qajyken 1961 jyly 5 sáýirde Pavlodar oblysy Mai aýdanynda dúniege kelgen. Jambyl gidromeliorativtik-qurylys institýtyn (injener-gidrotehnik), Máskeý gidromeliorativtik institýtynyń aspirantýrasyn, Qazaqstan Respýblikasy prezidenti janyndaǵy Ulttyq joǵary memlekettik basqarý mektebin bitirgen.
Ekonomika ǵylymdarynyń doktory, professor, qazirgi qoǵamdy zertteý institýtynyń direktory, áleýmettik-ekonomikalyq júieni, beiimdelgen ekonomikany damytý jáne Qazaqstan Respýblikasynyń Biryńǵai eńbekaqy tóleý júiesi tujyrymdamasy jónindegi kitaptardyń avtory. Ol - Yntymaq partiiasyn qurý jónindegi bastamashyl toptyń kóshbasshysy.
