Meiirhat Qasymbaev "QazAvtoJol" ulttyq kompaniiasynyń basqarma tóraǵasy bolyp taǵaiyndaldy, dep habarlaidy "Ult aqparat" ministrliktiń resmi saityna silteme jasap.
"Indýstriia jáne infraqurylymdyq damý ministriniń buiryǵymen Meiirhat Meiramhanuly Qasymbaev "QazAvtoJol" UK" AQ basqarma tóraǵasy qyzmetine taǵaiyndaldy", - delingen habarlamada.
Ol 1980 jyldyń 21 sáýirinde Shyǵys Qazaqstan oblysynda dúniege kelgen. Ekonomika ǵylymdarynyń kandidaty. Qazaq memlekettik zań akademiiasyn, Qazaq gýmanitarlyq zań ýniversitetin bitirgen. Zańger jáne qarjyger mamandyǵynyń iesi. London ekonomika jáne saiasattaný mektebinde memlekettik basqarý kýrstarynan ótip, Singapýrda biliktiligin arttyrǵan.
Meiirhat Qasymbaev 11 jyl quqyq qorǵaý organdarynda jáne memlekettik qyzmet qurylymdarynda túrli laýazymdarda qyzmet etti. Jol jáne infraqurylymdyq qurylys salasyndaǵy eńbek ótili 10 jyldan asady.
Memlekettik nagradalar men alǵys hattary bar. Sonymen qatar ol - aýyldan kelgen oqýshylarǵa qoldaý kórsetetin IQanat bilim berý qorynyń qamqorshysy.
