Foto: Gov.kz
Almaty qalasy boiynsha Saýda jáne tutynýshylardyń quqyǵyn qorǵaý departamenti jyl basynan beri iri jáne shaǵyn saýda jelilerine qatysty jospardan tys tekserýler júrgizip, 420-dan astam kásipkerlik sýbektisine ákimshilik shara qoldandy, dep habarlaidy Ult.kz.
Tekseris Small, JLC, Galmart, Toimart, My Mart, A-store, Bekker, Carefood sýpermarketi, «Food Beverage Trading» JShS, «Airba Fresh» JShS, «Good Luck Trade» JShS, «Mix Market Trade» JShS jáne basqa da dúkenderde júrgizilgen.
Departamenttiń málimetinshe, «Metro» saýda jelisi áleýmettik mańyzy bar azyq-túlikke belgilengen 15% saýda ústemesin asyrǵany úshin QR ÁQBtK 204-4-babynyń 2-bóligi boiynsha ákimshilik jaýapkershilikke tartyldy. Kompaniia barlyq sot instantsiialarynda, sonyń ishinde kassatsiialyq tártippen shaǵymdanǵanymen, sheshim ózgerissiz qaldy.
Aita keteiik, «Metro» buǵan deiin de 2024 jyly dál osy baǵany negizsiz kótergeni úshin aiyppul alǵan. Ol kezde de sot kásipkerlik sýbektisiniń talabyn qanaǵattandyrmai, Departament sheshimin kúshinde qaldyrǵan.
Sonymen qatar Almatydaǵy «Small» jáne «Toimart» saýda jelileri de saýda ústemesin 15%-dan asyryp jibergeni úshin ákimshilik jaýapkershilikke tartyldy. Al SMALL jelisiniń ókilderi tekseris kezinde Departament qyzmetkerlerine kedergi keltirgeni úshin QR ÁQBtK 462-baby boiynsha qosymsha jaýapkershilikke tartyldy.
Qazirgi ýaqytta «úi janyndaǵy dúkenderde» áleýmettik mańyzy bar azyq-túlik baǵasyn negizsiz kóteretin kásipkerlerdi anyqtaý boiynsha keshendi jumys júrip jatyr.
Jalpy Almaty qalasynda saýda ústemesin arttyrǵan kásipkerlerge 32 mln teńgeden astam aiyppul salynǵan.
