فوتو: Gov.kz
الماتى قالاسى بويىنشا ساۋدا جەنە تۇتىنۋشىلاردىڭ قۇقىعىن قورعاۋ دەپارتامەنتٸ جىل باسىنان بەرٸ ٸرٸ جەنە شاعىن ساۋدا جەلٸلەرٸنە قاتىستى جوسپاردان تىس تەكسەرۋلەر جٷرگٸزٸپ, 420-دان استام كەسٸپكەرلٸك سۋبەكتٸسٸنە ەكٸمشٸلٸك شارا قولداندى, دەپ حابارلايدى Ult.kz.
تەكسەرٸس Small, JLC, Galmart, Toimart, My Mart, A-store, بەككەر, Carefood سۋپەرماركەتٸ, «Food Beverage Trading» جشس, «Airba Fresh» جشس, «Good Luck Trade» جشس, «Mix Market Trade» جشس جەنە باسقا دا دٷكەندەردە جٷرگٸزٸلگەن.
دەپارتامەنتتٸڭ مەلٸمەتٸنشە, «مەترو» ساۋدا جەلٸسٸ ەلەۋمەتتٸك ماڭىزى بار ازىق-تٷلٸككە بەلگٸلەنگەن 15% ساۋدا ٷستەمەسٸن اسىرعانى ٷشٸن قر ەقبتك 204-4-بابىنىڭ 2-بٶلٸگٸ بويىنشا ەكٸمشٸلٸك جاۋاپكەرشٸلٸككە تارتىلدى. كومپانييا بارلىق سوت ينستانتسييالارىندا, سونىڭ ٸشٸندە كاسساتسييالىق تەرتٸپپەن شاعىمدانعانىمەن, شەشٸم ٶزگەرٸسسٸز قالدى.
ايتا كەتەيٸك, «مەترو» بۇعان دەيٸن دە 2024 جىلى دەل وسى باعانى نەگٸزسٸز كٶتەرگەنٸ ٷشٸن ايىپپۇل العان. ول كەزدە دە سوت كەسٸپكەرلٸك سۋبەكتٸسٸنٸڭ تالابىن قاناعاتتاندىرماي, دەپارتامەنت شەشٸمٸن كٷشٸندە قالدىرعان.
سونىمەن قاتار الماتىداعى «Small» جەنە «Toimart» ساۋدا جەلٸلەرٸ دە ساۋدا ٷستەمەسٸن 15%-دان اسىرىپ جٸبەرگەنٸ ٷشٸن ەكٸمشٸلٸك جاۋاپكەرشٸلٸككە تارتىلدى. ال SMALL جەلٸسٸنٸڭ ٶكٸلدەرٸ تەكسەرٸس كەزٸندە دەپارتامەنت قىزمەتكەرلەرٸنە كەدەرگٸ كەلتٸرگەنٸ ٷشٸن قر ەقبتك 462-بابى بويىنشا قوسىمشا جاۋاپكەرشٸلٸككە تارتىلدى.
قازٸرگٸ ۋاقىتتا «ٷي جانىنداعى دٷكەندەردە» ەلەۋمەتتٸك ماڭىزى بار ازىق-تٷلٸك باعاسىن نەگٸزسٸز كٶتەرەتٸن كەسٸپكەرلەردٸ انىقتاۋ بويىنشا كەشەندٸ جۇمىس جٷرٸپ جاتىر.
جالپى الماتى قالاسىندا ساۋدا ٷستەمەسٸن ارتتىرعان كەسٸپكەرلەرگە 32 ملن تەڭگەدەن استام ايىپپۇل سالىنعان.
