تەلەجٷرگٸزۋشٸ دينارا سەتجان كٷيەۋٸ, كەسٸپكەر جۇمابەك جانىقۇلدىڭ فيلم پرەمەراسىندا جٷرگٸزۋشٸ نۇربانىڭ قۇلاعىنان شەرتكەنٸنە قاتىستى پٸكٸر بٸلدٸردٸ. ول بۇل ەرەكەتتٸ ٶزارا قالجىڭ دەپ تٷسٸندٸرٸپ, جاعدايدى داۋعا اينالدىرماۋعا شاقىردى, دەپ حابارلايدى ult.kz.
دينارانىڭ ايتۋىنشا, جۇبايى ٶنەر ادامدارىمەن بۇرىننان ارالاسادى ەرٸ ولارمەن جيٸ ەزٸلدەسەدٸ. تەلەجٷرگٸزۋشٸ جەلٸدە تالقىعا تٷسكەن بەينەجازبا سەرٸك يبراگيموۆتٸڭ «زامانبەك 2» فيلمٸنە قوسىمشا جارناما بولدى دەپ ەسەپتەيدٸ.
"مەنٸڭشە, جۇمابەك سەرٸك يبراگيموۆتٸڭ “زامانبەك 2” فيلمٸنە كەرەمەت جارناما جاساپ بەردٸ. نۇربانىڭ قۇلاعىنان ساۋساعىمەن شەرتٸپ قالعانىنىڭ ٶزٸ جەتكٸلٸكتٸ بولدى. نۇربا دا جارادى! شىعىپ, مۇنىڭ جاي عانا قالجىڭ ەكەنٸن تٷسٸندٸردٸ", – دەدٸ ول.
تەلەجٷرگٸزۋشٸ نۇربا مەن سەرٸك يبراگيموۆتٸ كٶپ جىلدان بەرٸ تانيتىنىن ايتتى. ەكەۋٸ دە بۇعان دەيٸن ونىڭ باعدارلاماسىنا قوناق بولعان. دينارا ورتاق ورتادا جٷرگەن ادامدار بٸر-بٸرٸنٸڭ مٸنەزٸ مەن ەزٸلٸن جاقسى تٷسٸنەتٸنٸن جەتكٸزدٸ.
سونداي-اق ول جۇبايىنىڭ ٶنەر ادامدارىنا قولداۋ كٶرسەتٸپ جٷرەتٸنٸن, ولاردى باۋىرىنداي كٶرەتٸنٸن اتاپ ٶتتٸ.
"جٸگٸتتەر جۇمابەككە ٷلكەن قۇرمەتپەن قارايدى. ونى بٸلەتٸندەردٸڭ بەرٸ ونىڭ ادامدارعا قانشالىقتى كٶمەكتەسەتٸنٸن جاقسى بٸلەدٸ. جۇمابەك ٷنەمٸ وسىلاي قالجىڭدايدى. ول بۇل جٸگٸتتەرگە ٶز باۋىرىنداي قارايدى. سوندىقتان جوق جەردەن داۋ ٸزدەۋدٸڭ قاجەتٸ جوق. مۇنى “زامانبەك” فيلمٸنە جاسالعان جارناما دەپ قابىلداعان دۇرىس", – دەدٸ دينارا سەتجان.
ايتا كەتەيٸك, نۇربەك سالاماتوۆ جۇمابەك جانىقۇلمەن بولعان وقيعاعا پٸكٸر بٸلدٸردٸ.
دينارا سەتجان كٸم?
دينارا سەتجان - قازاقستاندىق جۋرناليست, تەلەجٷرگٸزۋشٸ جەنە كەسٸپكەر. ول 1982 جىلعى 21 قىركٷيەكتە سول كەزدەگٸ قاراعاندى وبلىسىنىڭ جاڭاارقا اۋدانىندا دٷنيەگە كەلگەن. كٶپشٸلٸككە جاڭالىقتار جٷرگٸزۋشٸسٸ جەنە تانىمال تۇلعالارمەن سۇحباتتاساتىن اۆتورلىق باعدارلامالارى ارقىلى تانىلدى.
2006–2008 جىلدارى «استانا» تەلەارناسىندا جۇمىس ٸستەگەن. كەيٸن «حابار» ارناسىنا اۋىسىپ, 2012 جىلعا دەيٸن جاڭالىقتار جٷرگٸزدٸ. تەلەۆيزيياداعى قىزمەتٸن جالعاستىرىپ, 2012 جىلى «ستاتۋس QUO», 2014 جىلى «Sky ستۋدييا» باعدارلامالارىن شىعاردى. بۇل جوبالاردىڭ اۆتورى ەرٸ جٷرگٸزۋشٸسٸ رەتٸندە كەسٸپكەرلەرمەن, ٶنەر جەنە سپورت ٶكٸلدەرٸمەن سۇحباتتاستى.
دينارا سەتجان جۋرناليستيكامەن قاتار سەن سالاسىندا دا كەسٸپ باستاعان. 2010 جىلى قازاقستاندىق ديزاينەرلەردٸڭ كيٸم توپتامالارىن ۇسىناتىن شوۋرۋمدار جەلٸسٸن اشتى. كەيٸن ٶزٸنٸڭ ەسٸمٸمەن اتالاتىن كيٸم برەندٸن دامىتتى. سونداي-اق ول — «قازاقستان حانىمى – 2008» بايقاۋىنىڭ جەڭٸمپازى.
