Telejúrgizýshi Dinara Sátjan kúieýi, kásipker Jumabek Janyquldyń film premerasynda júrgizýshi Nurbanyń qulaǵynan shertkenine qatysty pikir bildirdi. Ol bul áreketti ózara qaljyń dep túsindirip, jaǵdaidy daýǵa ainaldyrmaýǵa shaqyrdy, dep habarlaidy ult.kz.
Dinaranyń aitýynsha, jubaiy óner adamdarymen burynnan aralasady ári olarmen jii ázildesedi. Telejúrgizýshi jelide talqyǵa túsken beinejazba Serik Ibragimovtiń «Zamanbek 2» filmine qosymsha jarnama boldy dep esepteidi.
"Menińshe, Jumabek Serik Ibragimovtiń “Zamanbek 2” filmine keremet jarnama jasap berdi. Nurbanyń qulaǵynan saýsaǵymen shertip qalǵanynyń ózi jetkilikti boldy. Nurba da jarady! Shyǵyp, munyń jai ǵana qaljyń ekenin túsindirdi", – dedi ol.
Telejúrgizýshi Nurba men Serik Ibragimovti kóp jyldan beri tanitynyn aitty. Ekeýi de buǵan deiin onyń baǵdarlamasyna qonaq bolǵan. Dinara ortaq ortada júrgen adamdar bir-biriniń minezi men ázilin jaqsy túsinetinin jetkizdi.
Sondai-aq ol jubaiynyń óner adamdaryna qoldaý kórsetip júretinin, olardy baýyryndai kóretinin atap ótti.
"Jigitter Jumabekke úlken qurmetpen qaraidy. Ony biletinderdiń bári onyń adamdarǵa qanshalyqty kómektesetinin jaqsy biledi. Jumabek únemi osylai qaljyńdaidy. Ol bul jigitterge óz baýyryndai qaraidy. Sondyqtan joq jerden daý izdeýdiń qajeti joq. Muny “Zamanbek” filmine jasalǵan jarnama dep qabyldaǵan durys", – dedi Dinara Sátjan.
Aita keteiik, Nurbek Salamatov Jumabek Janyqulmen bolǵan oqiǵaǵa pikir bildirdi.
Dinara Sátjan kim?
Dinara Sátjan - qazaqstandyq jýrnalist, telejúrgizýshi jáne kásipker. Ol 1982 jylǵy 21 qyrkúiekte sol kezdegi Qaraǵandy oblysynyń Jańaarqa aýdanynda dúniege kelgen. Kópshilikke jańalyqtar júrgizýshisi jáne tanymal tulǵalarmen suhbattasatyn avtorlyq baǵdarlamalary arqyly tanyldy.
2006–2008 jyldary «Astana» telearnasynda jumys istegen. Keiin «Habar» arnasyna aýysyp, 2012 jylǵa deiin jańalyqtar júrgizdi. Televiziiadaǵy qyzmetin jalǵastyryp, 2012 jyly «Statýs QUO», 2014 jyly «Sky Stýdiia» baǵdarlamalaryn shyǵardy. Bul jobalardyń avtory ári júrgizýshisi retinde kásipkerlermen, óner jáne sport ókilderimen suhbattasty.
Dinara Sátjan jýrnalistikamen qatar sán salasynda da kásip bastaǵan. 2010 jyly qazaqstandyq dizainerlerdiń kiim toptamalaryn usynatyn shoýrýmdar jelisin ashty. Keiin óziniń esimimen atalatyn kiim brendin damytty. Sondai-aq ol — «Qazaqstan hanymy – 2008» baiqaýynyń jeńimpazy.
