Eýropanyń sporttyq basylymdar qaýymdastyǵy «Barselonanyń» shabýylshysy Lionel Messige «Altyn býtsy» tabys etti, dep habarlaidy "Ult aqparat".
Messi 2017/18 maýsymyndaǵy Eýropanyń eń úzdik bombardiry atandy. Ótken maýsymda argentinalyq fýtbolshy Premer-liganyń 36 matchynda 34 gol soqty.
Atalmysh marapat úshin baqtalasta ol mysyrlyq Mohamed Salahtyń aldyn orap ketti. M.Salah Premer-liganyń 36 kezdesýinde 32 ret gol saldy.
L.Messige «Altyn býtsy» besinshi ret tabystalyp otyr. Buǵan deiin marapatty 2009/10, 2011/12, 2012/13 jáne 2016/17 maýsymdarda alǵan bolatyn. Messi «Altyn býtsy» syilyǵyn eń kóp ielengen fýtbolshy. Ekinshi orynda - búginde «Iýventýs» sapynda oinap júrgen Krishtianý Ronaldý. Onyń enshisinde 4 júlde bar.
